Русский  >>  فارسی  >>  Якшанбе 4 декабр 2016, 21:17

Китоб дар бораи пардохтҳои иҷтимоӣ дар Тоҷикистон муаррифӣ мешавад

5 март 2012, 03:51

Имрӯз, 5-уми март дар бинои мавсум ба «Вафо» шӯъбаи Ташкилоти байналмилалии Институти «Ҷамъияти Кушода»- Бунёди Мадад  дар Тоҷикистон дар якҷоягӣ бо Вазорати меҳнат ва ҳифзи иҷтимоии ҶТ муаррифии дастурамали «Ташкили кори иҷтимоӣ дар Тоҷикистон» ва лоиҳаҳои Бунёдро оид ба масоили ҳифзи иҷтимоии аҳолӣ баргузор мекунад.


Тавре ба хабаргузории «Озодагон» аз «Бунёди Мадад» иттилоъ доданд, соли 2011 барномаи «Худидораи маҳаллӣ»-и ИҶК- БМ дар шарикӣ бо СҶ «Маркази таҳсилоти иқтисодиву иҷтимоӣ ва рушд» ба амалӣ кардани лоиҳаи таҳияи дастурамал барои кормандони соҳаи ҳифзи иҷтимоӣ дар маҳалҳо шурӯъ карданд. Дастури мазкур тафсири пурраи пардохту кӯмакпулиҳои иҷтимоии мавҷударо бо замимаи намунаи хуҷҷатҳо, ки шаҳрвандон ва кормандони ҳифзи иҷтимоӣ ҳангоми ба расмият даровардан, хонапурӣ мекунанд, фаро гирифта, ба забони тоҷикию русӣ ба табъ расидааст.  Китоби мазкур феълан дар ҷумҳурӣ ягона дастурест, ки тафсири ҳамаи пардохтҳоро дар бар мегирад.  Дастур таҳти машварати муовини аввали вазири меҳнат ва ҳифзи иҷтимоии ҷумҳурӣ, номзади улуми иқтисод Сангинов Э. Н. таҳия гардида, ба он коршиноси хориҷӣ, доктори улуми педагогӣ, профессор, раиси Ассосиатсияи омӯзгорон ва кормандони ҳифзи иҷтимоии Украина  Зверова И. Д. тақриз навиштааст.

 

Тибқи иттилои расида, дастур на танҳо барои мутахассисон, балки барои донишҷӯёни макотиби олӣ ва ҳамаи шавқмандон пешбинӣ шудааст. Китоби мазкур бо теъдоди 700 нусха ва 100 нусхаи электронӣ дар формати CD чоп шуда, дар байни кормандони ҳифзи иҷтимоии зинаҳои гуногуни мақамоти маҳаллии ҳукумат ва китобхонаҳои макотиби олӣ паҳн карда шуд. Қаринаи электронии дастурро аз сомонаи Вазорати меҳнат ва ҳифзи иҷтимоии аҳолии Ҷумҳурии Тоҷикистон ва сомонаи пажӯҳишгоҳи вазорати мазкур (www.niitruda.tj) дастрас кардан мумкин аст.

Ҳамчунин, аснои чорабинии мазкур муаррифии натиҷаҳои лоиҳаҳои амалӣ кардаи барномаҳои «Дастгирии таҳсилоти олӣ», «Таҳсилоти миёна», барномаҳои бахши «Тандурустии ҷамъиятӣ»-и ИҶК-БМ, аз ҷумла лоиҳаҳои «Таъсиси кафедраи ҳифзи иҷтимоӣ дар Донишгоҳи миллии Тоҷикистон» ва «Таъсиси Ассосиатсияи кормандони ҳифзи иҷтимоии Тоҷикистон» сурат мегиранд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!