Русский  >>  فارسی  >>  Якшанбе 11 декабр 2016, 18:54

100-солагии «Бухорои шариф» дар ДМТ таҷлил шуд

3 март 2012, 05:14

Дар остонаи Рӯзи матбуоти миллӣ дар ДМТ ҳамойиши илмӣ таҳти унвони "Бухорои шариф" ва ташаккули матбуоти тоҷикӣ" баргузор шуд.


Маврид ба тазаккур аст, ки "Бухорои шариф" нахустин нашрияи форсӣ-тоҷикӣ буд, ки 11 марти соли 1912 дар шаҳри Бухоро мунташир шуд ва дар Тоҷикистон аз ин рӯ ба унвони "Рӯзи матбуоти миллӣ" ҳамасола таҷлил мешавад.

Дар ин ҳамоиши илмӣ донишмандон, муаррихон ва рӯзноманигорон дар мавзӯъоти мухталиф, ба вижа мӯҳтаво, забон, рисолат ва шароити нашри рӯзномаи "Бухорои шариф" суханронӣ карданд. Қайд гардид, ки нахустин рӯзномаҳо ба забони форсӣ дар ҷаҳон бо номи "Ҷоми Ҷаҳоннамо" ва "Миръот-ул-Ахбор" дар соли 1822 дар Ҳиндустон ба нашр расидаанд ва аллакай дар соли 1907 дар Эрон  90 номгӯ рӯзнома ба забони форсӣ ба чоп мерасид ва нахустин рӯзнома барои занон дар ин кишвар дар соли 1911 нашр шуда буд.

Аммо Тоҷикистон рӯзи матбуоти миллии худро ба нахустин рӯзи нашри рӯзномаи "Бухорои шариф", аввалин рӯзномаи форсизабон дар Фарорӯд ё Осиёи Миёна вобаста кардааст, ки дар соли 1912 чоп шуда буд. Қабл аз ин, дар соли 1830 дар Қафқоз низ рӯзномае форсизабон таҳти унвони "Фарсийские ведомости" чоп мешуд, вале ду сол баъд, дар соли 1832, ин рӯзнома ба нашрияе ба забони туркии озарбойҷонӣ табдил ёфта "Вести с этой стороны Кавказа" ном гирифт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!