Русский  >>  فارسی  >>  Панҷшанбе 8 декабр 2016, 23:05

Оқил Оқилов: 3 милён сомонии иловагӣ барои соҳилмустаҳкамкунӣ дар Кӯлоб зарур аст

5 март 2012, 04:22

Нахуствазири кишвар, ахиран барои шиносоӣ аз вазъи соҳилмустаҳкамкунӣ дар рудхона ва обпартовҳо аз якчанд навоҳии минтақаи Кӯлоб дидан кард.


Тибқи иттилои хабарнигори маҳаллии «Озодагон» номбурда  ба мавзеъҳои хатарбори назди соҳилҳои Панҷу Сурхоб ва Яхсу, инчунин обпартовҳои шаҳру навоҳӣ рафта, ба масъулин супориш дод.

Гуфтанист, дар ҳоли ҳозир дар соҳилҳои хатарзои рудхонаҳо ва обпартовҳо корҳои соҳилмустаҳкамкунӣ идома дошта, дар аксари маврид бо иллати камбуди маблағ ва нарасидани масолеҳи сохтмонӣ, эҳдоси он ба дарозо мекашад. Оқилов барои мусоидат намудан ба  вазъ, супориш дод то аз ҳисоби агентии захираҳои таъминоти моддии назди ҲҶТ иловатан 50 ҳазор метри мукааб симтур, инчунин 3 милён сомонӣ барои харидории маҳсулоти сохтмонӣ ҷудо намоянд.

Зимнан, дар минтақа 6 километр соҳилҳои харобгашта аз нав барқарор гаштаанд, аммо даҳҳо километри дигар ҳанӯз таъмирталабу валангор боқӣ мемонанд. Ба гуфтаи Нуруллоҳ Мирзоев, муовини раиси ноҳияи Восеъ, дар рудхонаҳои Сурхобу Яхсу дар ҳудуди ноҳия, 4 километр соҳил ба пуррагӣ хароб гардида, аз онҳо ҳеч чиз боқӣ намондааст.

Як чунин ҳолат дар ноҳияҳои Муъминободу Кӯлоб ҳам ба назар мерасад, ки садҳо метр садди соҳилӣ вайрону валангор гардида, эҳтиёҷ ба барқароркунӣ доштаанд. Гуфта мешавад, ҳарчанд дар мавзеҳои хатарзои дарёву обпартовҳо корҳои заминӣ ба анҷом расонида шуда бошанд ҳам, вале бо иллати камбуди симтур ва маблағи пулӣ барои харидории масолеҳи сохтмонӣ, соҳилҳо ба пуррагӣ барқарор нагаштаанд ва эҳтимоли берун рафтани оби дарё аз соҳил боқӣ мемонад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!