Русский  >>  فارسی  >>  Ҷумъа 9 декабр 2016, 18:27

Қонун «Дар бораи ангишт» мавриди баррасии Шӯрои МН

5 март 2012, 09:23

Аъзои Шўрои Маҷлиси намояндагон дар ҷаласаи навбатии худ, ки имрўз 5 – уми март таҳти раёсати Шукурҷон Зуҳуров, райиси палатаи поёнии парлумони кишвар баргузор гардид, лоиҳаи қонуни мазкурро муҳокима карданд.

Тибқи иттилои хадамоти матбуотии МН, лоиҳаи ин қонун асосҳои ҳуқуқӣ, молиявӣ ва ташкилиро дар соҳаи ангишт муқаррар менамояд.

 

Зимнан, дар ҷаласи Шӯро таъкид шуд, ки зарурати қабул намудани Қонуни Ҷумҳурии Тоҷикистон «Дар бораи ангишт» барои ба танзим даровардани назорат ва дастгирии молиявии ҳифзи меҳнат, бехатарии саноатии корҳо, салоҳияти Ҳукумати Ҷумҳурии Тоҷикистон, ҳифзи иҷтимоии коргарони ба корҳои вазнин, хатарнок ва ё шароиташ зараровари меҳнат машѓулбуда ва фароҳам овардани фазои сармоягузориро дар бар гирифта, барои расидан ба истиқлолияти энергетикӣ мусоидат менамояд.   Инчунин, истифодаи самараноки ангишт барои сарфа намудани миқдори зиёди қувваи барқ ва ҳифзи табиат мусоидат менамояд.

Ҳамчунин, дар ин нишаст лоиҳаи қонуни Ҷумҳурии Тоҷикистон «Дар бораи ташкилотҳои маблағгузории хурд», масъалаҳо дар хусуси Созишнома дар бораи ҳамкории вазоратҳои корҳои дохилии (политсияи) давлатҳои аъзои Иттиҳоди Давлатҳои Мустақил дар мубориза бар зидди хариду фурўши одамон, дар бораи Ёддошти тафоҳум байни Ҳукумати Ҷумҳурии Тоҷикистон ва Созмони Амният ва Ҳамкорӣ дар Аврупо дар бораи шартҳои будубоши Дафтари Созмони Амният ва Ҳамкорӣ дар Аврупо дар Ҷумҳурии Тоҷикистон мавриди баррасӣ қарор гирифтанд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!