Русский  >>  فارسی  >>  Шанбе 10 декабр 2016, 13:46

Иди бонувон дар сафорати Тоҷикистон дар Маскав таҷлил шуд

5 март 2012, 11:45

Дар арафаи ҷашни “Иди бонувон” вохӯрии кормандони сафорати Тоҷикистон бо донишҷӯёни тоҷики донишгоҳҳои Маскав доир гардид.


Зимни нишаст, мушовирони сафири Тоҷикистон дар Маскав Суҳроб Раҷабов ва Сулаймон Рашидов, меҳмонон, хабарнигорон ва кормандони дигари сафорат ширкат намуданд. Донишҷӯён ба ин вохӯрӣ композитсияи адабиро бахшида ба “Иди бонувон” пешкаши ҳозирон намуда, донишҷӯи донишгоҳи “Дӯстии халқҳо” -и Маскав Ҳомидҷон Холбозоров бо қироати шеъре дар васфи бонувон симои модарро ба офтоби нурпошу равшанибахши ҳаёти инсон баробар карда, иброз дошт: «Нафаси модар насимест, ки моро оромиш мебахшад ва дасти таскинбахши модар доим моро ба ҷодаи муваффақият роҳнамоӣ мекунад».

Ҳамчунин Фахриддин Шамсиддинов, Парвина Сафарзода, Дилоромбону Муҳаммадҷонова,  Фирузҷон Наҷмиддинов -донишҷӯёни Донишгоҳи “Дӯстии халқҳо”, Ибод Раҳимов  аз Донишгоҳи омӯзгории Маскав, Фотима Достиева, донишҷӯи академияи дипломатии назди ВКХ-и Русия ва Сарвинози Раҳимзода аз Донишгоҳи давлатии Маскав ба номи Ломоносов, Шерзоди Сайёд  аз Донишкадаи фӯлод ва маъдани Маскав бо қироати шеъру маърӯзаҳо дар бораи модарону бонувон муҳаббати фарзандро ба модар васф намуданд.

Зимнан, рақси зебои Манижабону дар ҳавои мусиқии тоҷикӣ ба ҳусни ин дидор ҳусни дигаре зам намуда, ба лаҳзае ҳозиринро ба диёри зебои Тоҷикистон, ба Ватани зебои бобоӣ бурд.

Корманди сафорати Тоҷикистон дар Маскав Муҳаррама Қодирова дар сӯҳбат бо хабарнигори масковии «Озодагон» изҳор дошт, ки ташкили чунин вохӯриҳо барои рушди ҳуввияти миллии донишҷӯни тоҷики хориҷи кишвар ва тарбияи ватанпарастии онҳо кӯмаки ҳамаҷониба мекунад ва сафорати Тоҷикистон дар Маскав барои баргузории чунин вохӯриҳо ва дастгирӣ аз донишҷӯён ва умуман мардуми тоҷик дар хориҷ талоши доимӣ мерварзад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!