Русский  >>  فارسی  >>  Якшанбе 11 декабр 2016, 14:59

Панҷакент: «Рӯзи модар» бо шукӯҳи хос ва ширкати 500 бону таҷлил мегардад

5 март 2012, 12:24

Бо мақсади эҳё ва намоиши ҳунару анъанаҳои миллӣ, маҳорату истеъдоди кадбонугӣ, тарбияи духтарон оид ба завқи пухтупази таомҳои миллӣ ва омодагии онҳо ба зиндагии мустақилона  ҳанӯз санаи 20.02.2012 қарори раиси шаҳри Панҷакент «Дар бораи гузаронидани озмуни шаҳрии «Кадбонуи беҳтарин»  ба имзо расида буд.


Тибқи иттилои хабарнигори маҳаллии «Озодагон» озмуни  «Кадбонуи беҳтарин» бо ширкати занону бонувони шаҳру  деҳоти Панҷакент оғоз гардид, ки дар арафаи Рӯзи Модар ҷамъбаст мегардад. Манбаъ афзуд, мутобиқи низомномаи тасдиқгардида, ки шартҳои озмун муайян гардидааст, ҳайати кумитаи тадорукот ба ҳунару завқи занону духтарон ба маҳорати баланди пазандагии таомҳои миллӣ,  пешниҳоди услуби тарзи ихтирои намуди нави таом ва эҳёи хӯроки миллии фаромӯшгардида, омода намудани дастархон, ҳаракат ва одоби баланди пешниҳоди таом бо қироати шеърҳо дар васфи Модар, баҳор, Наврӯз, малакаи муоширати онҳо диққати махсус медиҳанд.

Гуфта мешавад, то имрӯз дар маҳаллаҳои  Шодиёна, 10-солагии Истиқлолият, Шафтолузор, Гулистон, Қайнар, Сои Зебон, Суғдиён, Азизобод ва дар ҷамоати деҳоти Ёрӣ, Х.Ҳасан, Л.Шералӣ, Саразм, Чинор, Сӯҷина озмуни «Кадбонуи беҳтарин» дар сатҳи баланд баргузор гардид.

Ба қавли манбаъ, озмуни «Кадбонуи беҳтарин» дар шаҳру деҳоти Панҷакент идома дорад ва он дар арафаи «Рӯзи Модар» дар  тантанаҳои идонаи ҷашнӣ, ки дар  Кохи фарҳанг бо иштироки  500 нафар занону бонувони Панҷакент баргузор мегардад, ҷамъбаст карда мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!