Бахшҳо
10 мар 2012 06:07Адабиёт

САД БАЙТ

Чун теғ ба даст орӣ, мардум натавон кушт, Наздики Худованд бадӣ нест фаромӯшт.

****
Он чӣ мардонро кунад рӯбаҳмизоҷ,
Эҳтиёҷ аст, эҳтиёҷ аст, эҳтиёҷ.

****

Марди озоде, ки донад хубу зишт,
Менағуҷад рӯҳи ӯ андар биҳишт.

****

Тавба аз аъмоли номаҳмуд кун,
Эй зиёнандеш, фикри суд кун.

****

Ҳадиси дуруст охир аз Мустафост,
Ки бахшоишу хайр дафъи балост.

****

Гар аз дилбаре дил ба танг оядат,
Дигар ғамгусоре ба чанг оядат.

****

Он миллате ба роҳи саъодат ниҳад қадам,
К- ӯ худ ба фикри модару фардои модар аст.

****

Ба ҳиҷрон Сайфи Фарғонӣ машав навмед аз васлаш,
Ки доим дар ақиб бошад баҳоре мар зимистонро.

****

Макун такя бар мулку ҷоҳу ҳашам,
Ки пеш аз ту будасту баъд аз ту ҳам.

****

Ҳаркӣ аз банди худӣ вораст, мурд,
Ҳаркӣ бо бегонагон пайваст, мурд.

****

Сири шериро нафаҳмад гову меш,
Ҷуз ба шерон кам бигӯ асрори хеш.

****

Манзили мақсуд агар хоҳӣ ба роҳи рост рав,
Кай расад боре ба манзил чунки бошад бор каҷ.

****

Мӯъмин аз азму таваккул қоҳир аст,
Гар надорад ин ду ҷавҳар кофир аст.

****

Ғаму шодмонӣ намонад, валек,
Ҷазои амал монаду номи нек.

****

Чу бинӣ, ки ёрон набошанд ёр,
Ҳазимат зи майдон ғанимат шумор.

****

Ба ранҷ андар аст, эй хирадманд, ганҷ,
Наёбад касе ганҷ, нобурда ранҷ.

****

Дили зердастон набояд шикаст,
Мабодо, ки рӯзе шавӣ зердаст.

****

Камол он аст, ки аз худ бошӣ огоҳ,
Чӣ дар саҳро, чӣ дар хилват, чӣ дар роҳ.

****

Оҳ аз он қавме, ки аз по дарфитод,
Миру султон зоду дарвеше назод.

****

Ҳаркӣ бо душмании халқ равон аст чу баҳр,
Зуд бошад, ки сари хеш чу гирдоб хӯрад.

****

Ба даст овардани дунё ҳунар нест,
Яке гар тавонӣ дил ба даст ор.

****

Дониш андар дил чароғи равшан аст,
В- аз ҳама бад бар тани ту ҷавшан аст.

****

Суханро вазну тамкини замин бояд,
Суханро санъати сеҳрофарин бояд.

****

Мактаб сабаби ҳаёт бошад,
Мактаб сабаби наҷот бошад.

****

Заҳр бодо шири модар бар касе,
К-ӯ забони модарӣ гум кардааст.

****

Тифлию домони модар хуш биҳиште будааст,
То ба пойи худ равон шудем, саргардон шудем.

****

Ҳаркӣ хандонад ятими хастаро,
Боз ёбад ҷаннати дарбастаро.

****

Қадри устод аз падар беш аст,
В- аз падар устод дар пеш аст.

****

Эй нури чашми ман, сухане ҳаст гӯш кун,
То соғарат пур аст, бинӯшону нӯш кун.

****

Гарат зиндагонӣ набиштаст дер,
На морат газояд, на шамшеру шер.

****

Надонистӣ, эй кӯдаки худписанд,
Ки мардон зи хидмат ба ҷое расанд.

****

Ба он мӯъмин Худо коре надорад,
Ки дар тан ҷони бедоре надорад.

****

Ангушт макун ранҷа ба дар куфтани кас,
То кас накунад ранҷа ба дар куфтанат мушт.

****

Ҳакимонро баҳо камтар ниҳоданд,
Ба нодон ҷилваи мастона доданд.

****

Хатоҷӯён хатои худ биҷӯед,
Ба олам бехато ғайр аз Худо нест.

****

Ғарбиёнро шеваҳои соҳирист,
Такя ҷуз бар хеш кардан кофирист.

****

Ба дӯзах барад мардро хӯйи зишт,
Ки ахлоқи нек омадаст аз биҳишт.

****

Пароканда лашкар наояд ба кор,
Дусад марди ҷангӣ беҳ аз сад ҳазор.

****

Дарси муаллим ар бувад замзамаи муҳаббате,
Ҷумъа ба мактаб оварад тифли гурезпойро.

****

Дареғ аст рӯй аз касе тофтан,
Ки дигар нашояд чун ӯ ёфтан.

****

Аз ғуломӣ дил бимирад дар бадан,
Аз ғуломӣ рӯҳ гардад бори тан.

****

Одамон аз дӯстӣ ёбанд бахт,
Душманӣ орад ба мардум рӯзи сахт.

****

Гар касе шабҳо хурад дуди чароғ,
Гирад аз илму фану ҳикмат суроғ.

****

Мисли ҳайвон хурдан осудан чӣ суд,
Гар ба худ маҳкам наӣ, будан чӣ суд.

****

Осоиши ду гетӣ тафсири ин ду ҳарф аст,
Бо дӯстон мурувват, бо душманон мадоро.

****

Шерри нарро меш кардан мумкин аст,
Ғофилаш аз хеш кардан мумкин аст.

****

Ман аз беқадрии хори сари девор донистам,
Ки нокас кас намегардад, аз ин боло париданҳо.

****

Хирс мулло мешавад аз зарби чӯб,
Беадабро ҳар куҷо ёбӣ бикӯб!

****

Асри ман донандаи асрор нест,
Юсуфи ман баҳри ин бозор нест.

****

Ҷаннат, ки ризои мо дар он аст,
Дар зери қудуми модарон аст.

****

Дар тааҷҷуб мешавам аз қисматам гоҳе ҳанӯз,
Дастгири ҳаркӣ будам, охир гиребонгир шуд.

****

Бар қазо кам неҳ баҳона, эй ҷавон,
Ҷурми худро чун ниҳӣ бар дигарон.

****

Гуфт Пайғамбар, ки ҷаннат аз Илоҳ,
Гар ҳамехоҳӣ зи кас чизе махоҳ.

****

Ҷонвар фарбеҳ шавад, лек аз алаф,
Одамӣ фарбеҳ зи изз асту шараф.

****

Шикасти шишаи дилро магӯ, ки садое нест,
Ин садо ба қиёмат баланд хоҳад шуд.

****

Бартар аз гардун мақоми одам аст,
Асли таҳзиб эҳтироми одам аст.

****

Зи нопокзода мадоред умед,
Ки зангӣ нагардад ба шустан сафед.

****

Ба дунёе, ки мардонаш асо аз кӯр медузданд,
Мани нодони хушбовар ҳақиқат ҷустуҷӯ дорам.

****

Доно ба ҳар диёр азизу мукаррам аст,
Лаънат бар он диёр, ки нодон бувад азиз.

****

Набошад ҳаме неку бад пойдор,
Ҳамон беҳ, ки некӣ бувад ёдгор.

****

Бад- он кас, ки ҷонаш зи дониш тиҳист,
Ситеҳиданат мояи аблаҳист.

****

Ҳама чиз пирӣ пазирад, бидон,
Магар дӯстӣ, ки он бувад ҷовидон.

****

Чу аз оштӣ шодӣ ояд ба чанг,
Хирадманд ҳаргиз накӯшад ба ҷанг.

****

Ройи матлаб зи бузургони кӯҳансол талаб,
Обҳо соф дар айёми хазон мегарданд.

****

Ошиқон шабзиндадору дузд ҳам шабзиндадор,
Ҳарду бедоранд, аммо ин куҷову он куҷо?

****

Таъна аз кас хуш набошад, гарчӣ ширингӯ бувад,
Захми най бар дида сахт аст, ар ҳама найшакар аст.

****

Чӣ нохуш бувад дӯстӣ бо касе,
Ки моя надорад зи дониш басе.

****

Ҳеч ганҷе нест аз фарҳанг беҳ,
То тавонӣ рӯй бар ин ганҷ неҳ.

****

Зи гуфтору кирдору аз хӯйи зишт,
Касе надравад хуб, агар зишт кишт.

****

Мардӣ набувад фитодаро пой задан,
Гар дасти фитодае бигирӣ, мардӣ.

****

Бода дар хум кӯҳна чун гардад давоӣ мешавад,
Духтари раз пир чун шуд, мумиёӣ мешавад.

****

Биё то қадри якдигар бидонем,
Ки то ногаҳ зи якдигар намонем.

****

Пушаймонӣ аз карда як бор бас,
Ҳалоҳил дубора нахӯрдаст кас.

****

Бикӯшеду хубӣ ба кор оваред,
Чу дидед сармо, баҳор оваред.

****

Суханро ҷойгаҳ бингар, пас он гаҳ гӯ, агар донӣ,
Замоне дар тафаккур беҳ, ки умре дар пушаймонӣ.

****

Дар ҷунун девонаро данге бас аст,
Хонаи пуршишаро санге бас аст.

****

Киштии мо бекасон рӯзе, ки дар гирдоб монд,
Нохудо раҳме накард, аммо Худое доштем.

****

Ҳаркӣ шуд аз ҳамзабони худ ҷудо,
Бенаво шуд, гарчӣ дорад сад наво.

****

Асо аз ростӣ ҳар дам ба гӯши пир мегӯяд,
Дигар дар хоб хоҳӣ дид, айёми ҷавониро.

****

Назарро нағз кун, то нағз бинӣ,
Гузар аз пӯст кун, то мағз бинӣ.

****

Ба номи накӯ гар бимирам равост,
Маро ном бояд, ки тан маргрост.

****

Сухан бифканад минбару дорро,
Зи сӯрох берун кашад морро.

****

Ҳамон дӯстӣ бо касе кун баланд,
Ки бошад ба сахтӣ туро ёрманд.

****

Биёмӯз то зиндаӣ рӯзу шаб,
Чунин гуфт доно, ки бикшод лаб.

****

Ростиро набувад ҳеч заволе ба ҷаҳон,
Сарв агар хушк шавад, боз асо мегардад.

Таҳияи Толибшоҳи Сайидзода
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)