Русский  >>  فارسی  >>  Якшанбе 4 декабр 2016, 17:13

Эмомалӣ Раҳмон: Камбизоатӣ аз 72 то 45 фойиз коҳиш ёфтааст

27 май 2011, 11:50

Имрӯз дар Душанбе ҷаласаи навбатии Шӯрои миллии рушд таҳти раёсати президент Эмомалӣ Раҳмон сурат пазируфт.

Тибқи иттилои дафтари матбуотии райисҷумҳур дар нишаст аъзои шӯрои мазкур, намояндагони шӯрои ҳамоҳангсозии шарикони рушд, вазорату идораҳои дахлдор, масъулини дастгоҳи иҷроияи президент, созмонҳои давлатию хориҷӣ ширкат доштанд. Зимнан, масоили марбут ба рушди иҷтимоию иқтисодии Тоҷикистон дар давоми якуним соли фаъолияти шӯрои номбурда ва нақшаю тадбирҳои ояндаро дар ин самт мавриди баррасӣ қарор доданд.

Нахуст гузориши вазири рушди иқтисод ва савдои кишвар  Фаррух Ҳамралиев доир ба нишондодҳои рушди иҷтимоию иқтисодии Тоҷикистон шунида шуд. Аз ҷумла зикр гардид, ки дар соли 2010 ва моҳҳои аввали соли 2011 Тоҷикистон, сарфи назар аз таъсири манфии оқибатҳои бӯҳрони ҷаҳонии молиявию иқтисодӣ тавассути ба роҳ мондани ислоҳоти бобарор ба нишондодҳои назаррас дар татбиқи барномаю стратегияҳои миллии рушд, ки дар асоси Ҳадафҳои Рушди Ҳазорсола таҳия ва қабул шудаанд, ноил гардид.

Намояндаи доимии Оҷонсии Ҷопон доир ба рушди байналмилалӣ дар Тоҷикистон Ҷиро Лида ба Эмомалӣ Раҳмон барои кӯмаки башардӯстонаи Тоҷикистон ба мардуми Ҷопон баъди садамаи даҳшатбор дар нерӯгоҳи атомии Фукушима арзи сипос намуд.

Ҷаласаро Эмомалӣ Раҳмон ҷамъбаст карда, аз ҷумла зикр намуд, ки «ноил шудан ба рушди устувори макроиқтисодӣ имкон дод, ки сатҳи камбизоатӣ тӯли солҳои охир аз 72 то 45 фоиз коҳиш дода шавад ва сатҳи зиндагии қариб 2 миллион нафар аҳолии кишвар беҳтар гардад ва онҳо аз камбизоатӣ раҳо ёбанд. Ба андешаи Эмомалӣ Раҳмон, «ба таъмин гардидани рушди мўътадили иқтисодиёти кишвар бештар бахшҳои асосии он, яъне афзоиши воқеии истеҳсоли маҳсулоти саноатӣ 3,9 фоиз, кишоварзӣ 6,8 фоиз, гардиши савдои чакана 7,7 фоиз, хизматрасонии пулакӣ 15,3 фоиз ва маблағгузорӣ ба сармояи асосӣ 10 фоиз мусоидат намуданд".

Эмомалӣ Раҳмон пешниҳод намуд, ки натиҷаҳои татбиқи нақшаи чорабиниҳои ҳамкории Тоҷикистон бо шарикони рушд моҳи декабри соли равон дар ҷаласаи навбатии Шӯрои миллии рушд бо иштироки васеи вазорату идораҳои дахлдор, шарикони рушд ва ҷомеаи шаҳрвандӣ дақиқу муфассал баррасӣ карда шаванд ва доир ба ҳадафу вазифаҳои амалинагардида тадбирҳои мушаххас андешида шаванд. Ҳамчунин пешниҳод карда шуд, ки соли оянда барои баррасии ин масоил ва сафарбарсозии захираҳои иловагӣ дар яке аз кишварҳои хориҷӣ ва дар Ҷумҳурии Тоҷикистон конфронс оид ба Тоҷикистон гузаронида шавад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!