Русский  >>  فارسی  >>  Чоршанбе 7 декабр 2016, 13:37

Фаъолияти оперативӣ-ҷустуҷуӣ ва нақши он дар таҳкими ҳуқуқи инсон

15 март 2012, 11:53

Таҳти чунин унвон имрӯз дар ВКД-и Тоҷикистон ҳамоиши вижа таҳти сарварии вазири корҳои дохила Рамазон Раҳимов сурат пазируфт.

Номбурда аснои суханрониаш аз ҷумла гуфт, имрӯз дар назди кормандони мақомоти ҳуфзи ҳуқуқи кишвар бисёр проблемаву масъалаҳое мавҷуданд, ки ба фаъолияти оперативӣ-ҷустуҷуӣ сахт алоқаманданд.

Ҳамзамон, раиси Суди Олии Тоҷикистон Нусратулло Абдуллоев, мудири  шўъбаи мудофиа ва тартиботи ҳуқуқии дастгоҳи иҷроияи президенти Абдусаттор Раҷабов, раиси Кумитаи давлатии амнияти миллии Тоҷикистон Саймумин Ятимов, раиси Суди конститутсионии Тоҷикистон Маҳкам Маҳмудов, муовини аввали прокурори генералии Тоҷикистон Абдуқодир Муҳаммадиев, директори Агентии назорати давлатии молиявӣ ва мубориза бо коррупсияи Тоҷикистон Фаттоҳ Саидов ва дигарон баромад намуда, ин мавзўро муҳим, муфид ва рӯзмара донистанд.

Ҳамчунин, дар конференсияи мазкур китоби тозаэҷоди таълимии Вазири корҳои дохилӣ генерал-лейтенанти милитсия, номзади илмҳои ҳуқуқ Рамазон Раҳимов ба ҳозирин муаррифӣ карда шуда, қайд гардид, ки он беҳтарин дастури амалӣ барои кормандони мақомоти ҳифзи ҳуқуқ, донишҷўёни бахши ҳуқуқшиносӣ ва бевосита кормандони бахши оперативӣ мебошад. Дар идомаи конференсияи илмӣ проблемаҳои актуалии амалияи фаъолияти оперативӣ-ҷустуҷўӣ, ҳифзи сирри давлатӣ дар фаъолияти оперативӣ- ҷустуҷӯӣ, принсипҳои фаъолияти оперативӣ-ҷустуҷўӣ, хусусияти пешниҳод кардани натиҷаҳои фаъолияти оперативӣ-ҷустуҷӯӣ ба мақомоти таҳқиқ, муфаттиш, прокурор ва суд баррасӣ гардида, иштирокчиён фикру ақидаҳои худро дар ин мавзўъҳо иброз доштанд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!