Русский  >>  فارسی  >>  Якшанбе 11 декабр 2016, 01:18

«МегаФон» ба аввалин муштарии корҳои ҷадидаш планшети ҳозиразамон тақдим кард

16 март 2012, 09:35

Ширкати «МегаФон» дар шаҳри Душанбе барои муштариёни корпоративиаш коргоҳи нав ифтитоҳ кард.

Феълан, муассисаҳои бонуфузи кишвар, ба монанди «Газпром», «Талко», ширкатҳои ҳавопаймоии «Тоҷик Эйр» ва «Сомон Эйр», созмонҳои байналмиллалӣ, бонкҳо, сафоратхонаҳои Британияи Кабир, Русия, Ҷопон, Олмон ва чандеи дигар муштарии корпоративии «МегаФон Тоҷикистон» мебошанд.

«Мақсади мо муҳайё намудани хизматрасонии сатҳи баланд ва дорои технологияи муосир барои муштариён мебошад. Коргоҳи нав дар минтақаи муносиб, ошёнаи якум ва дар беҳтарин маркази тиҷоратии дараҷаи олӣ қарор дорад. Қобили тазаккур аст, ки он бо таҷҳизоти ҳозиразамон муҷаҳаз аст»,-мегӯяд Алексей Семёнов, сарвари иҷроияи «МегаФон Тоҷикистон».

Коргоҳи нав аз ду қисмат иборат аст: машваратию фуруш ва VIP-хизматрасонӣ. Чунин тақсимот сатҳи хизматрасонии муштариёнро ба маротиб беҳтар мекунад. Дар маҷлисгоҳи муҷаҳаз бо техникаи намоишии ҳозиразамон ва интернет бо суръати баланд кормандон ва муштариён метавонанд вохӯриҳои васеъ, видеоҷаласа ва гуфтушунид баргузор кунанд. Ҳамчунин тарҳ ва муҳити роҳатафзои бино таъби муштариёнро хуш мегардонад. Коргоҳ пурра аз таҷҳизоти комилан тозаи экологии дорои сертификат муҷаҳаз аст.

Нахустин муштарии корпоративии коргоҳи нав Кумитаи телевизион ва радиои Тоҷикистон мебошад. Ба ин муносибат ба Асадулло Раҳмонов, раиси ин кумита дипломи фахрӣ ва планшети ҳозиразамон тақдим гардид.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!