Русский  >>  فارسی  >>  Якшанбе 4 декабр 2016, 21:17

Тоҷидин Пиров: «Тоҷиксодиротбонк аз як филиали хурд ба як бонки тавоно табдил ёфт»

17 март 2012, 04:26

«Тоҷиксодиротбонк» аз 20 солагии таъсисаш ҷашн гирифт.

Тавре аз бонки мазкур ба «Озодагон» гуфтанд, дар толори маҷлисгоҳи бинои марказии Бонк бо ширкати намояндагони вазорату идора ва ташкилоту муассисаҳои ҷумҳурӣ, намояндагони корпусҳои дипломатии муқими Тоҷикистон, бонкҳо ва муассисаҳои молиявии кишвар, шарикони бонк аз кишварҳои мухталиф, аз қабили Олмон, Русия, Қазоқистон, Белгия, Чин, Фаронса, Малайзия, Эрон, Озарбойҷон, Арманистон, Қирғизистон, ҳамчунин, рӯзноманигорон ширкат намуданд. Маҳфилро филми" Ояндаро имрӯз бояд сохт", ки таърихи бонкро аз оғоз то имрӯз дар бар мегирифт, ифтитоҳ бахшид.Тоҷидин Пиров, раиси Шӯрои нозирони «Тоҷиксодиротбонк» зимни суханронӣ изҳор намуд, ки давоми 20 сол «Тоҷиксодиротбонк» тавонист аз як филиали хурд ба як бонки тавонои дорои шабакаи фарогири филиалҳо ва бонки фаръӣ дар ҷумҳурӣ табдил ёфта, тавассути ҳамкориҳои самарабахш бо шарикони хориҷӣ дар арсаи байналмилалӣ низ мавқеъ пайдо намояд. Раиси Шӯро ҳамчунин ба дастовардҳои «Тоҷиксодиротбонк», ки махсусан дар солҳои охир хеле назаррас мебошанд, таъкид намуда афзуд: «Таъсиси филиалҳои нав ва комилан анҷом додани фарогирии ҷумҳурӣ бо шабакаи филиалҳо ва марказҳои хизматрасонии бонкӣ, ташкили шӯъба ва намояндагиҳо дар мамлакатҳои хориҷа, ҷорӣ намудани маҳсулот ва хизматрасониҳои нави бонкӣ, ба роҳ мондани ҳамкориҳо дар сатҳ ва сифати нав бо шарикони бонк дар дохил ва хориҷи мамлакат, васеъ намудани доираи мизоҷон ва муштариёни бонк, афзун намудани нишондиҳандаҳои бонк ҳамчун вазифаҳои аввалиндараҷаи роҳбарият ва ҳар як корманди Тоҷиксодиротбонк маҳсуб меёбанд».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!