Русский  >>  فارسی  >>  Ҷумъа 9 декабр 2016, 06:51

Системаи санҷиши пешакии муҳоҷирон

20 март 2012, 09:58

Имрӯз дар Фурудгоҳи байналмилалии Душанбе муаррифии системаи «Низоми санҷиши пешакии муҳоҷирин» сурат пазируфт.

Зимни баргузории маросими муаррифии системаи мазкур, Рустам Холиқов директори генералии Фурудгоҳи байналмилалии Душанбе қайд кард, ки системаи нав имкон медиҳад мусофири ба Федератсияи Русия сафаркунанда пешакӣ огоҳ шавад, ки иҷозати вуруд ба Федератсияи Русияро дорад ё не. Система бо шабакаи интернет васл буда, аз рўи барномаи махсус амал менамояд. Бо копи шудани шиноснома маълумоти зарурӣ фавран пешкаш карда мешавад,-афзуд ӯ.

Ба гуфтаи Р.Холиқов барои осон намудани мушкили мусофирин дар ҳамкорӣ бо Хадамоти муҳоҷирати Федератсияи Русия, дар мувофиқа бо ширкатҳои ҳавопаймоӣ ва Хадамоти муҳоҷирати назди Ҳукумати Тоҷикистон системаи фаврии муайян намудани иҷозати вуруд ба Федератсияи Русия даст дод. Зимнан Сардори Хадамоти муҳоҷирати назди Ҳукумати Тоҷикистон Сафиаллоҳ Девонаев ба намояндагони Хадамоти муҳоҷирати федеролии Русия ва роҳбарияти Фурудгоҳи Душанбе миннатдории худро баён намуд.

Мовини директори техники ҶСП «Техносерв»-и Русия Константин Болтрукевич иброз дошт, ки Тоҷикистон дар миёни ҷумҳуриҳои шӯравии собиқ аввалин кишварест, ки системаи мазкур дар он роҳандозӣ карда мешавад.

 

 

 

 

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!