Русский  >>  فارسی  >>  Чоршанбе 7 декабр 2016, 00:56

ФБД дар рӯзҳои ҷашн иловатан ба 38 парвози ҳавопаймоҳо хизмат расонид

28 март 2012, 07:00

Фурудгоҳи байналмилалии Душанбе дар арафа ва рӯзҳои ҷашни Наврӯзи байналхалқӣ, ки дар Душанбе сурат пазируфт, меҳмонони ҷашнвораро аз кишварҳои олам қабул кард.

Тавре ба Озодагон аз ин муассиса иттилоъ доданд, фуруд омадани ҳавопаймоҳои меҳмонон аз 23-уми март шурӯъ гардид. Нахуст ҳавопаймои меҳмонони покистонӣ 23-уми марти соли равон соати 16.00 фуруд омад ва маросими қабули меҳмонониба ҷашнвора даъватшуда оғоз гардид. Дар таърихи 24-уми март меҳмонон аз Теҳрон, Исломобод, Алмаато, Кобул, Киев ва дар таърихи 25- уми март меҳмонон аз шаҳрҳои Ашқобод, Кобул, Исломобод, Остона, Анқара, Дохаи Қатар ва Мазори Шарифи Афғонистон ташриф оварданд.

 

Зимни ин ҷорабиниҳо фурудгоҳи байналмилалии Душанбе, барои дар сатҳи баланд пешвоз гирифтани меҳмонони ҷашнвора омодагии  ҳамаҷониба дида, ба қавле аз гул пойандоз густурда буд.

Манбаъ афзуд, кормандони фурудгоҳ бо либоси идонаи расмӣ меҳмононро пешвоз мегирифтанд. Масъулини хадамоти амнияти авиатсионӣ, хизматрасониҳои рӯизаминӣ, муҳандисӣ-авиатсионӣ, аэровокзал, аэродром ва дигарҳо кӯшиданд то ба ҳавопаймоҳо ва меҳмонон хизмати хуб расонанд.Зимни гусели меҳмонон низ кормандони фурудгоҳ кӯшиданд, то меҳмонон бо таассуроти неки бардошта ба кишварҳои худ баргарданд.

Гуфтанист, дар рӯзҳои таҷлили ҷашни Наврӯз дар қатори парвозҳои муқаррарӣ иловатан ба 38 парвози дигар, ки вобаста ба қабул ва гусели меҳмонони ҷашнвора буд, хизмат расонида шуд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!