Русский  >>  فارسی  >>  Панҷшанбе 8 декабр 2016, 21:05

Ҷоизаи «Equator Prize 2012» насиби созмони тоҷикистонӣ шуд

29 март 2012, 09:31

Созмони «Зан ва Замин» аз Тоҷикистон дар қатори 24 ташкилоти хориҷӣ соҳиби ҷоизаи  «Equator Prize 2012» гардид. Маросими супурдани ҷоиза дар қароргоҳи СММ шаҳри Ню-Йорксурат пазируфт.


«Зан ва Замин»-ро барои саҳми арзанда дар рушди устувори иҷтимоӣ бо ҷоизаи мазкур қадрдонӣ кардаанд. Аз Вазорати корҳои хориҷа ба хабаргузории Озодагон иттилоъ доданд, ки муассиси ҷоизаи «Equator Prize» Барномаи рушди СММ аст. Соли равон аз таъсис ёфтани он даҳ сол пур мешавад: «Ғолибон аз миёни 812 номзад, ки аз 113 кишвари тараққикунандаи ҷаҳон намояндагӣ мекарданд, интихоб шуданд. Дар байни кишварҳои Аврупои Шарқӣ ва Осиёи Марказӣ созмони тоҷикистонии «Зан ва Замин» ягона ғолиби ҷоизаи имсолаи «Equator Prize» дониста шудааст».

Ба иттилои манбаъ, дар назар аст, ки маросими ба ғолибон супоридани ҷоизаи мазкур дар ҷараёни Конфронси СММ оид ба рушди устувор (Рио-де-Жанейро, 20-22 июни 2012) баргузор шавад. Қобили зикр аст, ки мусоидат ба деҳқонону кишоварзони безамин дар мавриди танзим намудани ҳуқуқҳои онҳо, иҷораи замин, гуногун кардани услубҳои истеҳсоли кишоварзӣ ва ташвиқ сохтани ҳифзи танаввуи зистӣ аз тариқи мудирияти масъулиятноки манбаъҳои табиӣ самти фаъолияти созмони «Зан ва Замин»-ро ташкил медиҳанд. «Зан ва Замин» аз ҷониби як гурӯҳи фаъолзанони тоҷик бо мақсади бартараф намудани мушкилоти иҷтимоиву иқтисодӣ, ки дар натиҷаи ҷанги дохилӣ дар Тоҷикистон ба вуҷуд омадаанд, таъсис шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!