Русский  >>  فارسی  >>  Душанбе 5 декабр 2016, 21:33

Чин хоҳони тааҳуди мухолифони давлати Сурия ба тарҳи сулҳ

29 март 2012, 10:32

Чин аз мухолифони таҳти ҳимояти ғарбии давлати Сурия хоста аст, ки ба тааҳудоти худ дар қиболи тарҳи сулҳ ироа шуда аз сӯи СММ ва Иттиҳодияи араб пойбанд бошанд.

Ҳонг Лӣ, сухангӯи вазорати умури хориҷаи Чин рӯзи ҷаҳоршанбе гуфт: «Умедворем, ки мақомоти Сурия ва тарафҳои даргир дар ин кишвар ба тааҳудоти худ амал кунанд». Ӯ ин изҳоротро пас аз он баён кард, ки Димишқ тарҳи сулҳи ироашуда аз сӯи Кофӣ Аннан, фиристодаи вижаи СММ ва Иттиҳодияи Арабро пазируфт.

Ҳадаф аз ин тарҳ шаш моддаи поён додан ба нооромиҳои яксола дар кишвари Сурия аст. Тарҳи пешниҳодии Аннан шомили оташбас, дастрасӣ додан ба оҷонсҳои кӯмакрасони инсонӣ ва ҳамчунин гуфтӯгӯи сиёсӣ байни Димишқ ва мухолифон мешавад.

Ҳамчунин, Пекин ваъда додааст, ки ба ҳимоят аз талошҳои Аннан идома диҳад. Сухангӯи вазорати умури хориҷаи Чин гуфт: «Пекин фаъолона ба ҳамкорӣ бо талошҳои миёнаравии Аннан ва ҳамчунин ҳимоят аз он идома медиҳад ва умедвор аст, ки ҷомеаи байналмилалӣ муқарраротеро барои таҳаққуқи ин амр вазъ кунад.

Гуфтанист, Сурия аз миёнаҳои моҳи марти соли 2011 саҳнаи нооромиҳо аст.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!