Русский  >>  فارسی  >>  Душанбе 5 декабр 2016, 17:33

Кличко медали як миллион фурӯхтаашро бозпас гирифт

30 март 2012, 08:44

Владимир Кличко, муштзани укроинӣ нишони тиллоии худро, ки аз Олимпиадаи соли 1996 ба даст оварда буд, дар як музоядае фурӯхт.

Аммо ҳамагӣ баъди чанд лаҳза онро дигарбора ба боксчӣ бозпас оварданд. Нафари ношинос, ки барои ин медал як миллион доллар пардохт кард, тасмим гирифтааст, онро ба соҳиби аслияш баргардонад. Гуфтааст, ин корро барои эҳтироме, ки ба Кличко ва хонаводаи ӯ дорад, анҷом додааст.

Ба қавли Кличко, нишони тиллоии Олимпиадаи Атлант дастоварди муҳим барои ӯ ва бародараш Виталий дар бокси касбӣ буд. Муштзан ба харидори нишонаш аз номи кӯдакон, волидон ва устодоне, ки маблағи фурӯши билет барои кӯмаки онҳо фиристода мешавад, изҳори сипос кардааст.

Ҳамчунин, дар музоядаи хайрияви дар шаҳри Киев беш аз якуним миллион доллар доду гирифт шуд. Инҷо соати брилиантдор бо изи ангуштони Виталий Кличко ва сурати дар ҷараёни ринги яке аз бародарон кашидашуда низ харидор ёфт.

Феълан бародарон тамоми унвонҳои қаҳрамонии муштзанӣ дар вазни вазнинро доранд. Владимир Кличко суперчемпиони WBA (Анҷумани ҷаҳонии бокс), қаҳрамони IBF (Федератсияи байналмилалии бокс) ва чемпиони WBO (Созмони ҷаҳонии бокс) аст. Виталий Кличко бошад, соҳиби камарбанди қаҳрамонии WBC (Шӯрои байналмилалии бокс) мебошад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!