Русский  >>  فارسی  >>  Душанбе 5 декабр 2016, 09:33

Ширкатҳои чинӣ тиллои Қирғизистонро медузданд

4 апрел 2012, 08:39

Вакилони қирғиз дар ҷаласаи кумитаи парлумон оид ба рушди иқтисод ширкатҳои истихроҷии чиниро, ки дар вилояти Уши Қирғизистон фаъолият мебарад, дар пинҳон кардани тиллои истихроҷшуда муттаҳам кардаанд.

Исҳоқ Пирматов, сарвари ин кумита бо ишора ба маълумоти агентии давлатии геология изҳор доштааст, ки ширкатҳои Inter Business ва Asia Gold Enterprises 22 кило тиллои истихроҷкардаашонро руст кардаанд. Пирматов гуфтааст, ширкатҳои мазкур ҳамчунин аз давлати Қирғизистон 463 кило нуқра ва 93 тонн мисро пинҳон кардаанд. Гуфта мешавад, ин миқдор тилло ва мис ғайриқонунӣ аз ҳудуди Қирғизистон берун бароварда шудааст.

Райкон Тологонов, вакили парлумони Қирғизистон ҳам гуфтааст, ки ширкатҳои хориҷӣ қонуни кишварро нақз карда, маъданҳои гаронарзишро бо роҳи қочоқ аз қаламрави ҷумҳурӣ берун мекунанд.

Вакилон талаб кардаанд, ки далелҳои қонуншиканӣ ба парвандаи ҷиноятӣ ворид карда шавад. Ҳамчунин, депутатҳои қирғиз тақозои бозхонди иҷозатномаҳои ширкатҳои мазкурро доранд.

Ба иттилои вазорати захоири табиӣ дар Қирғизистон даҳҳо кони тилло мавҷуд аст. Бузургтарини онҳо Кумтор унвон мешавад, ки дар он солона ҳудуди 18 тонн тилло тавлид мегардад. Ҳаҷми умумии захираи тилло дар конҳои Қирғизистон бештар аз 100 миллиард доллар гуфта мешавад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!