Русский  >>  فارسی  >>  Шанбе 3 декабр 2016, 03:19

Фарҳанги Тоҷикистон дар Маскав муаррифӣ мегардад

30 май 2011, 09:38

Рӯзҳои фарҳанги Тоҷикистон дар пойтахти Русия шурӯъ гардиданд.

Дар рӯзи аввали баргузории ин чорабинӣ  рассомон ва суратгирони шинохтаву ҷавони тоҷик маҳсули тахаюлоти худро ба тамошобинони маҳаллӣ пешкаш карданд. Вафо Назаров, рассоми халқии Тоҷикистон шахсан ҳар офаридаи рассомонро муаррифӣ мекард ва мекӯшид тавоноӣ ва қудратмандии суратгар ва ҳамчунин мазмуни офаридаҳоро ба бинандагон бирасонад.

Ҷаноби Назаров дар сӯҳбат ба хабаргузории «Озодагон» гуфт, ҳудуди 80 асари рассомон ба ин намоийшгоҳ оварда шудааст. Ӯ афзуд, мо инҷо рассомонро ба се давра тақсим намудем, рассомони соҳибтаҷриба, миёнсол ва ҷавон. Яъне, мо ба ҷавонон имкон додем, то маҳсулашон дар намойишгоҳҳои ҷиддӣ, мисли имрӯз, муаррифӣ шавад. Тасмим гирифтаем, ки ҷавононро қадам ба қадам аз пайи худ бубарем ва бо ин тариқ холигоҳе дар санъати суратгарии тоҷик ба миён наояд.

Ин дар ҳолест, ки санъати суратгирии тоҷик танҳо аз сӯи наворбардори соҳибтаҷриба Заур Дахте муаррифӣ мешуду  халос. Бо ин вуҷуд, ки ин устоди ҳунар метавонад бо танҳоӣ муаррифгари санъати аккосии тоҷик бошад, аммо вазорати фарҳангро мебоист дар ин самт фаррохтар бингарад ва аккосони ҷавонро, ки дар Тоҷикистон кам нестанд,  ба хотири дастгирӣ дар чунин чорабиниҳои ҷиддӣ роҳ бикушояд.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!