Русский  >>  فارسی  >>  Якшанбе 11 декабр 2016, 14:57

ФСБ Доку Умаровро ба ташкили суиқасд ба ҷони Путин гунаҳкор мекунад

13 апрел 2012, 03:44

Хадамоти федеролии амнияти Русия ё ФСБ мехоҳад, пешвои ҷангиёни Қафқози шимолӣ Доку Умаровро ба ҳайси муттаҳам дар созмони суиқасд ба ҷони Владимир Путин ба ҷавобгарӣ бикашад.

Моҳи феврали соли 2012 расонаҳо навиштанд, ки Хадамоти махсуси Украина ва Русия аз як амали суиқасд ба ҷони Путин ҷилав гирифтаанд. Ҷониби Украина дар Одесса шаҳрванди Қазоқистон Иля Пянзин ва табааи Чеченистон Одам Осмаевро боздошт кард. Тибқи фарзияи Хадамоти махсуси Украина Пянзин ва Руслан Мадаев, ки 4 феврал дар Одесса кушта шуд, аъзои гурӯҳи Осмаев будаанд. Осмаев барои талоши суиқасд ба ҷони Рамзан Қодиров, райисҷумҳури Чеченистон дар соли 2007 дар пайгарди байналмилалӣ қарор дошт.

 

Нашрияи «Комерсантъ» менависад, ки баъди дастгир шуданаш Осмаев гуфтааст, амри суиқасд ба ҷони Владимир Путинро аз Доку Умаров гирифтаанд. 16-уми март суди ноҳияи Лефортови Маскав ғоибона Осмаев ва Пянзинро ба ҳабс гирифта, онҳоро дар пайгарди байналмилалӣ тариқи Интерпол эълон кард.

Феълан, прокуратураи генералии Русия дар садади омода кардани санадҳои зарурӣ барои истирдоди Осмаев аз Украина аст.

Гуфтанист, баъди он ки Доку Умаров масъулияти ҳамлаи террористӣ дар фурудгоҳи «Домодедова», ки боиси марги 36 нафар шуд, бар душ гирифт, ӯро низ ғоибона ҳабс намуда, дар пайгарди қонунӣ эълон карданд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!