Русский  >>  فارسی  >>  Шанбе 3 декабр 2016, 03:19

Боз ду ҳамватани моро дар Русия куштанд

16 апрел 2012, 11:59

Рӯзҳои  наздик аз вилояти Тюмен ҷасади ду тоҷикро ба Ватан меоранд.

14-уми апрел аз рустои Старий Уренгои ноҳияи Пуровский ҷасади ду шаҳрванди Тоҷикистонро бо аломатҳои марги маҷбурӣ пайдо кардаанд. Тавре ба Озодагон аз хадамоти матбуоти сафорати Тоҷикистон дар Русия хабар доданд, шахсияти мақтулон аллакай маълум шудааст. Инҳо Саъдулло Алиеви 41 сола сокини шаҳри Душанбе ва Сайкомил Носирови 23 сола сокини ноҳияи Мир Саид Алии Ҳамадонӣ будаанд.

Бино ба иттилои бародари яке аз марҳумон, Саъдуллову Сайкомил дар вагони ҷои истиқоматашон кушта шудаанд.

Феълан, вобаста ба ҳодиса Шӯъбаи тафтишотии кумитаи тафтишотии ноҳияи Пуровский фаъолият мебарад.

«Ҷасади Саъдулло Алиев ва Носиров Сайкомил рӯзҳои наздик ба Тоҷикистон фиристода хоҳанд шуд. Дар робита кормандони сафорат бо намояндагони диаспораҳои тоҷикони вилояти Тюмен ва Сургут дар иртибот ва ҳамоҳангӣ қарор доранд»,-афзуд манбаъ.

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!