Русский  >>  فارسی  >>  Ҷумъа 9 декабр 2016, 04:59

Тавофуқи Карзай ва Ҳикматёр

18 апрел 2012, 03:48

Музокироти сулҳи раиси Ҷумҳури Афғонистон ва ҳизби исломии Ҳикматёр дар Кобул, мусбат арзёбӣ шуд.

Ба гузориши хабарнигори "Озодагон" аз Эрон, дафтари матбуотии раёсати  ҷумҳурии Афғонистон рӯзи сешанбе дар баёнияе эълом кард, ки Ҳомид Карзай ва Ғайрат Баҳир-намояндаи ҳайати ҳизби исломии Ҳикматёр дар кохи раёсати ҷумҳурӣ дидор ва дар бораи бисёре аз масоил бо якдигар тавофуқ карданд.

Қариб-ур-раҳмони Саъид  масъули умури сиёсии ҳизби исломии Ҳикматёр низ дар ин бора гуфт: Карзай ва Баҳир дар ин дидор илова бар музокираи сулҳ бо давлат, дар мавриди паймони стратегии Кобул-Вашингтон ҳам табодули назар кардаанд. Вай афзуд, ки дар асли тарҳҳои Ҳизби Исломӣ ва Шӯрои Олии Сулҳи Афғонистон ихтилофи назар вуҷуд надорад ва фақат баъзе калимаҳои истифода шуда дар ин тарҳҳо бояд бознигарӣ шавад.

Масъули умури сиёсии ҳизби исломии Ҳикматёр ҳамчунин зимни муфид ва созанда хондани мулоқоти ҳайати ин ҳизб бо Салоҳуддин Раббонӣ - раиси Шӯрои Олии Сулҳи Афғонистон гуфт: Салоҳуддин Раббонӣ ҷавони боистеъдод ва солеҳ аст ва мо интизор дорем, ки номбурда барои истиқрори сулҳ дар Афғонистон нақши муассир иҷро хоҳад кард.

Гуфта мешавад ҳайати ҳизби исломии Ҳикматёр дар сафар ба Афғонистон бо мақомҳои сафорати Фаронса дар Кобул низ дидор кардаанд. Музокироти расмии ҳизби исломии Ҳикматёр ба манзури гуфтугӯҳои сулҳ бо давлати Афғонистон аз ҳафтаи гузашта оғоз шуд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!