Русский  >>  فارسی  >>  Душанбе 5 декабр 2016, 09:33

Парвандаи журналист ба додгоҳ рафт

1 июн 2011, 05:02

Додгоҳи ноҳияи Ашти вилояти Суғд баррасии парвандаи ҷиноиро алайҳи рӯзноманигор Муҳаммадюсуф Исмоилов оғоз кард.

Тибқи иттилои Ҷумъаи Мирзо, сардабири ҳафтаномаи «Нури зиндагӣ» муҳокимаи судии хабарнигори минтақавии ин нашрияро додгоҳи сайёри Табошар ба зимма дорад ва баррасии он пас аз зӯҳри дирӯз аз сар гирифта шуд.

Дар рӯзи аввали муҳокима додгоҳ шикояти бархе аз даъвогаронро шунида, имрӯз ба кори худ идома медиҳад.

Маврид ба ёдоварист, Муҳаммадюсуф Исмоилов  ба таҳқиру тавҳин ва барангехтани низоъи миллию мазҳабӣ дар ноҳияи Ашт муттаҳам шудааст. Аммо Анҷумани миллии расонаҳои мустақили Тоҷикистон (НАНСМИТ) боздошти ӯро ба чопи матолиби интиқодӣ дар бораи фаъолияти ҳукуматҳои маҳаллӣ ва ниҳодҳои қудратӣ марбут медонад. Чанде қабл созмони Гузоришгарони Бидуни Марз ва Кумитаи дифоъ аз ҳуқуқи рӯзноманигорон (CPJ) низ хостори озодии Муҳаммадюсуф Исмоилов шуда буданд.

Ёдрас менамоем, Муҳаммадюсуф Исмоилов  хабарнигори минтақавии нашрияи «Нури зиндагӣ» ҳанӯз моҳи ноябри соли 2010 боздошт гардида, то ин замон дар боздоштгоҳи муваққатии вилояти Суғд ба сар мебурд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!