Русский  >>  فارسی  >>  Шанбе 3 декабр 2016, 09:44

Эмомалӣ Раҳмон: Маблағҳо бояд дар бонкҳои кишвар нигоҳ дошта шаванд

20 апрел 2012, 05:55

Шаҳрвандони кишвар бояд маблағҳояшонро дар бонкҳои дохилӣ нигоҳ доранд. Кафолати нигоҳдории маблаҳо дода мешавад.

Ин нуктаро Эмомалӣ Раҳмон зимни ирсоли паёми солонааш ба парлумони кишвар изҳор дошт. Ба гуфтаи райисҷумҳур ин ҳолат сабаби баланд гардидани сатҳи зиндагии мардум мешавад.

Президент ҳамчунин гуфт, ки шурӯъ аз 1-уми сентябр стипендияи донишҷӯён 2,5 маротиба бештар мешавад. «Агар имрӯз донишҷӯён ба 80 сомонӣ идрорпулӣ бигиранд, пас аз ин баъд ин нишондод то 200 сомонӣ мерасад»,-афзуд Эмомалӣ Раҳмон.

Илова бар ин нафақаи ҳадди аққал ва ниҳоӣ аз рӯи синну сол набояд аз 150 сомонӣ камтар бошад. Ба гуфтаи президент аз 1-уми сентяби соли равон, нафақаи 180 ҳазор нафар зиёд хоҳад шуд. Вай гуфт, ки дар маҷмӯъ дар кишвар 380 ҳазор нафар нафақа мегирад. Барои зиёд ва таъмин гардонидани нафақаи шаҳрвандон беш аз 350 миллион сомонӣ равона мешавад.

Моҳонаи кормандони муасисаҳои томактабӣ 3 маротиба, иҷтимоӣ то 2 ва бахши фарҳангу тандурустӣ то 10 маротиба баланд карда шавад, гуфт Эмомалӣ Раҳмон.

Президент ҳамчунин Вазорати молия, Кумитаи андоз ва Хадамоти гумрукро вазифадор кард, ки нақшаи иҷрои андозро сари вақт таъмин намоянд: «Бо мақсади кам кардани хароҷоти давлатӣ ба ҳукумат супориш дода мешавад, ки дар баъзе идораҳои давлатӣ теъдоди кормандон то 15 дарсад кам карда шавад, зеро, дар беъзе корхонаҳо роҳбар ва зердастон якдигарро намешиносанд, бо ҳам мулоқоте баргузор намекунанд. Бо назардошти такрор нагардидани ишғоли вазифаҳои давлатӣ то моҳи июли соли ҷорӣ ин масъаларо мо ба таҳлил ва баррасӣ мегирем».

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!