Русский  >>  فارسی  >>  Панҷшанбе 8 декабр 2016, 05:08

Шукурҷон Зуҳуров: Чаро вазирон ба парлумон намеоянд?

1 июн 2011, 06:23

Райиси Маҷлиси Намояндагон аз ширкат наварзидани бархе аз вазирон дар ҷаласаҳои парлумон изҳори нигаронӣ кард.

Дар нишасти имрӯзаи палатаи поёнии парлумони мамлакат, тибқи рӯзномаи ҷаласа 8 масъала мавриди баррасӣ ва муҳокимаи вакилон бояд қарор бигирад. Масъалаи нахустин, ки оид ба лоиҳаи қонун «Дар бораи палатаи ҳисобӣ»-и Ҷумҳурии Тоҷикистон буд, аз рӯи он муовини вазири молия Ҷамшед Норинов баромад кард. Шукурҷон Зуҳуров пас аз баромади Норинов гуфт, «мебойист ин қонунро дар ҷаласаи имрӯза вазири молия Сафаралӣ Наҷмиддинов муаррифӣ мекард, зеро масъала ҳисоботи молиявӣ аст. Норинов фаъол аст, ҳамкории хубе бо парлумон дорад, аммо вазир худаш шахсан бояд ширкат мекард».

Масъалаи дуввуми баррасишаванда ворид кардани тағйиру иловаҳо ба қонуни ҶТ «Қонун дар бораи милитсия» буд. Райиси Маҷлиси Намояндагон пас аз он ки вазири корҳои дохила Абдураҳим Қаҳҳоровро дар толори парлумон надид, ба намояндаи комилҳуқуқи президент дар палатаи поёнии парлумон Ҷумъахон Давлатов муроҷиат карда иброз дошт, ки «бояд чораҳо андешид, чаро дар ҷаласаҳои ҳукумат, дастгоҳи президент ва машваратҳои назди райисҷумҳур вазирон худашон шахсан иштирок мекунанд, аммо парлумонро ҳурмат накарда намояндагонашонро мефиристанд?».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!