Русский  >>  فارسی  >>  Сешанбе 6 декабр 2016, 07:52

Иви Лерман: Деҳқони тоҷик комилан озод нест

23 апрел 2012, 03:41

Дар Тоҷикистон озодии деҳқон расман мавҷуд аст, вале амалан пурра иҷро намегардад.

Ин нуктаро Иви Лерман, олими донишгоҳи Байтулмуқаддас дар сӯҳбат ба хабарнигори Озодагон иброз дошт. Лерман аз натиҷаи омӯзишҳояш дар кишвари мо гуфт, дар  Тоҷикистон бояд ҳар чи зудтар дахолати ниҳодҳои давлатӣ ба истифодаи замин, интихоби зироат барои кишт, кашидани нақшаи истеҳсоли ин ё он намуди зироат барҳам хӯрда, деҳқон дар истифодаи маҳсулоти гирифтааш комилан озод бошад.  Вай дар ҷавоб ба изҳороти масъулини вазорати кишоварзӣ, ки таъкид мекунанд озодии деҳқон дар Тоҷикистон таъмин аст, далел меорад: «Моҳи апрели соли гузашта ба ноҳияҳои Шаҳритуз ва Қабодиён сафар доштам. Он ҷо бархе аз деҳқонҳо хостанд пахтаашонро ба ноҳияи дигар бурда бо нархи баландтар фурӯшанд, вале милисаҳо онҳоро намегузоштанд».

Дар робита ба дахолати ниҳодҳои давлатӣ ба кори хоҷагиҳои деҳқонӣ, тирамоҳи гузашта хабаргузориҳо иттилое пахш намуданд, ки тибқи он Толибҷон Давлатов, сокини ноҳияи Шаҳринав, дар паи фишорҳои масъулини ноҳия, ки оилаашро барои ҳар чи зудтар супоридани пахтаи хоҷагиашон маҷбур карда, таҳқир намудаанд, қасди худкушӣ кардааст.  
Ин дар ҳолест, ки  масъулини Тоҷикистон мегӯянд, деҳқон дар истифодаи зироаташ озод аст ва ниҳодҳои давлатӣ ҳуқуқи дахолат ба кори кишоварзонро надоранд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!