Русский  >>  فارسی  >>  Шанбе 10 декабр 2016, 17:41

Сарвазири Покистон 6 моҳ ҳукм гирифт

26 апрел 2012, 09:31

Юсуф Ризо Гелонӣ, сарвазири Покистон барои эҳтиром накардани додгоҳ муҷрим шинохта шуд.

Хабаргузории Ройтерс менависад, ҳукми додгоҳ дар қиболи сарвазир рамзӣ буда, Гелонӣ ҳарчанд ба мӯҳлати 6 моҳ ҳукм гирифта бошад ҳам, равонаи зиндон нашудааст.

 

Юсуф Ризо Гелонӣ барои беэҳтиромӣ нисбат ба додгоҳ дар масъалаи мусоидат накардан ба тафтишоти айбдории раисҷумҳури Покистон Осиф Алии Зардорӣ муттаҳам карда шуд.

Аз ҷумла ҳукумати Гелонӣ тақозои додгоҳро барои фиристодани дархости расмӣ ба мақомоти Швейтсария бо мақсади оғози дубораи тафтишоти қазияи Зардорӣ, ки соли 2008 баъди раисҷумҳури Покистон интихоб шуданаш мутаваққиф карда шуд, рад карда будааст. Гелонӣ ин амалӣ худро бо он ки тибқи қонунгузорӣ раисҷумҳур ваколати дахлнопазирӣ дорад, асоснок кардааст.

Дар ҳамин ҳол тафтишот Осиф Алии Зардорӣ ва ҳамсари ӯ Беназир Бҳутторо барои рабудани 12 миллион доллар дар солҳои 1990 гумонбар медонад. Ҳамчунин дар Покистон тафтишоти қазияи раисҷумҳур ва ҳамсараш бар асоси судури фармони афв соли 2009 боздошта шуда буд, ки баъдан онро бар асоси мухолифат ба қонунин асосӣ бекор карданд.

Ёдовар мешавем, додгоҳи Швейтсария соли 2003 Зардорӣ ва ҳамсараш Бҳуторо дар ғайбашон гунаҳкор шинохта буд.

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!