Русский  >>  فارسی  >>  Шанбе 10 декабр 2016, 09:54

Луғати истилоҳоти моликияти зеҳнӣ ба нашр расид

2 июн 2011, 04:16

Оҷонсии Иёлоти Муттаҳида оид ба рушди байналмиллалӣ (USAID) дар чопи луғати истилоҳоти ҳуқуқи моликияти зеҳнӣ мусоидат кард.

Тавре ба «Озодагон» аз сафорати ИМА дар Душанбе иттилоъ доданд, зимни маросими муаррифии луғат намояндагони вазорати фарҳанг ва рушди иқтисоду савдо, маркази патентӣ, созмонҳои байналмиллалӣ, иттиҳодияҳои соҳибкорӣ ва донишҷўён ширкат намуданд. Луғати мазкур аз муқаддима ба мавзӯъи моликияти зеҳнӣ, ҳуқуқи муаллифӣ ва моликияти зеҳнии саноатӣ иборат буда, барои ҳукумати  Тоҷикистон, ходимони илм ва коршиносони соҳа дастури хуби роҳнамо маҳсуб мегардад.

Гуфта мешавад, муаллифи луғати истилоҳоти моликияти зеҳнӣ  Ином Тоҳиров аст.Номбурда мегӯяд,имрўз нақши моликияти зеҳнӣ дар ҷалби бевоситаи сармоягузории хориҷӣ ва интиқоли технологияҳои муосир ниҳоят муҳим аст. Ҳамчун узви ҷомеаи ҷаҳонӣ, Тоҷикистон бояд ба саъю кўшишҳои дигар кишварҳо дар ҷодаи муҳофизати моликияти зеҳнӣ дар сатҳи ҷаҳонӣ пайвандад.

Маврид ба ёдоварист, лоиҳаи минтақавии USAID шурӯъ аз соли 1992, тавассути Сафорати Иёлоти Муттаҳидаи Амрико дар Душанбе тахминан 984 миллион доллари амрикоиро барои барномаҳои кӯмакрасон ба Тоҷикистон дар самтҳои рушди ниҳодҳои демократӣ, соҳаҳои тандурустӣ ва маориф ва рушди иқтисодӣ маблағгузорӣ кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!