Русский  >>  فارسی  >>  Шанбе 10 декабр 2016, 17:45

Таҳримҳои Ғарб таъсире дар барномаи ҳастаии Эрон надоштааст

30 апрел 2012, 06:21

Як рӯзномаи амрикоӣ ба нақл аз бархе таҳлилгарон эътироф кард, ки таҳримҳои зидди эронӣ ба ҳадафи худ, яъне тағири рафтори ҳастаии Эрон даст наёфтаанд.

Ба навиштаи рӯзномаи амрикоии «USA todey», Эрон алорағми таҳримҳои байналмиллалӣ дар ҳоли ёфтани роҳҳое барои давр задани таҳримҳое аст, ки қасд доранд Эронро маҷбур ба тарки барномаи ҳастаии худ кунанд.
Ин рӯзномаи амрикоӣ иддао карда, ки ин кор дар ҳоле анҷом мешавад, ки таҳримҳо тавонистааст фишорҳоеро ба мардуми Эрон ворид созад.
Кенес Катезман, коршиноси умури Ховари Миёна дар сервиси таҳқиқотии Конгреси Амрико бар ин бовар аст, ки таҳримҳо бар зидди Эрон асар гузоштаанд, аммо суол ин ҷост, ки оё таъсирҳо ба ҳадде будааст, ки Эрон амалкарди худро тағир диҳад ё на?
Бархе таҳлилгарон бар ин ақидаанд, ки алорағми коҳиши содироти нефти Эрон ва афзоиши таваррум дар ин кишвар, таҳримҳо таъсири мадди назарро бар Эрон надоштаанд. Иёлати Муттаҳида муддаӣ аст, ки Эрон ба дунболи сохти силоҳи ҳастаӣ аст.
Масеҳ Зариф, мудири гурӯҳи Эрон дар барномаи «Таҳдидҳои бӯҳронӣ»-и муссисаи Арикан интерпрайз мегӯяд, ки ҳеҷ нишонае аз ин вуҷуд надорад, ки таҳримҳо раҳбарони Эронро ба бозандешӣ дар хусуси барномаи ҳастаии ин кишвар водошта бошанд. Ба қавли вай танҳо амре, ки мумкин аст мунҷар ба тағири рафтори Эрон шавад, хатарест, ки таҳдиде барои бақои низоми сиёсии Эрон бошад.
Таҳдидҳои ҷоришуда аз сӯи ИМА бар зидди Эрон ширкатҳои амрикоиро аз муомила ва тиҷорат бо Эрон манъ мекунанд ва Иттиҳодияи Аврупо низ тиҷорат, хадамоти молӣ ва касбу кори тиҷорӣ бо Эронро маҳдуд сохтааст. Таҳримҳо бар тавоноии кишварҳо барои пардохти пули нефти Эрон асари манфӣ дорад. Бо ин ҳол кишварҳое чун Ҳиндустон ва Чин дар ҳоли давр задани таҳримҳои мазкур ҳастанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!