Русский  >>  فارسی  >>  Шанбе 3 декабр 2016, 18:38

«Нигоҳи нав» беҳтаринҳоро меҷӯяд

30 апрел 2012, 11:07

2-юми майи соли равон дар Душанбе ҷашнвораи «Нигоҳи нав» ба кори худ оғоз мекунад.

Шоҳ Ҷамшеди Умар, роҳбари гурӯҳи ташаббускори созмонидиҳии ҷашнвора ба Озодагон гуфт, ки ҳадафи асосии фестивал ҷалби ҷавонони эҷодкор ва фароҳам овардани имконияти мусоиди эҷодӣ баҳри рушди санъати театрӣ аст.
«Ҳамасола ба ҳисоби миёна 30-35 нафар Донишкадаи санъатро бо ихтисоси актёр ва коргардони намоишҳои театрӣ, инчунин 10-15 нафар Донишгоҳи шаҳри Хуҷандро бо ихтисосҳои фавқуззикр, ҳамчунин студияҳои махсуси актёрии назди театрҳои касбиро хатм мекунанд. Аз ин теъдод танҳо 50-55 фисад тибқи ихтисоси худ кор мекунанд. Боқимондаи хатмкардагони мактабҳои театрӣ тарки касб менамоянд. Тавассути ин гуна ҷашнвораҳо, ки махсус барои ҷавонон пешбинӣ мешавад, дилгарм кардани онҳо дар ин самт дар назар дошта шудааст»,-афзуд манбаъ.
Номбурда мегӯяд, хоҳишмандон метаонанд, намоиши худро ба ҷашнвора дар шакли фардӣ ё гурӯҳӣ пешниҳод намоянд. Дар ҷашнвора гурӯҳҳои ҳунарӣ аз шаҳри Душанбе, Қурғонтеппа, Хоруғ, Конибодом ва Чкаловск ширкат хоҳанд кард. Муалифони «Беҳтарин оҳанг», «Беҳтарин ороиши саҳна», «Беҳтарин нақши лаҳзавӣ», «Беҳтарин нақши занона», «Беҳтарин нақши мардона», «Беҳтарин коргардон-таҳиягар» ва «Беҳтарин намоиш»-ро шоҳҷоиза интизор аст.
Созмондиҳандагон мегӯянд, талош хоҳанд кард, ки ҷашнвораи мазкур аз ин ба баъд ҳар сол як маротиба баргузор шавад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!