Русский  >>  فارسی  >>  Ҷумъа 2 декабр 2016, 22:55

Муҳоҷирати тоҷикистониҳоро ба Русия акнун муташаккилона ба роҳ монданиянд

30 апрел 2012, 11:54

Намояндагии Хадамоти муҳоҷирати Тоҷикистон дар Русия аз таҳия гардидани лоиҳаи як Созишномаи муштараки байнидавлатӣ дар хусуси муҳоҷирати муташаккилонаи тоҷикистониҳо ба Русия хабар дод.

Асрор Одинаев, сардори ниҳоди мазкур зимни як нишаст дар сафорати Тоҷикистон гуфт, феълан лоиҳаи созишнома дар ҳоли таҳияву баррасӣ қарор дошта, баъди муҳокимаи пурра он миёни Маскаву Душанбе имзо хоҳад гашт.
«То имрӯз муҳоҷирати кории тоҷикон ба Русия ба таври ғайригустурда ва бо роҳҳои гуногун роҳандозӣ мешавад. Ҳар кас бо ҳар роҳ, баъзеҳо бо кӯмаки шиносҳо, баъзеҳо ҳамин хел бе ҳеҷ гуна маълумоту ҷойи кори аниқ ба ин кишвар меоянд. Барои ҳамин борҳо фиреб мехӯранд ва ҳамчунин ба маоши ночиз розӣ мешаванд. Агар ин созишнома имзо гардад, аз ин ба баъд мо кӯшиш мекунем, ки шаҳрвандони хоҳишмандро ба таври густурдаву муташаккилона ба муҳоҷират сафарбар намоем»,-мегӯяд Асрор Одинаев..
Ҷаноби Одинаев ҳамчунин гуфт, феълан бо кӯмаки ҷониби Русия дар омӯзишгоҳи №66-и Душанбе 100 нафар касбҳои барои Русия заруриро омӯхта, дар шаҳри Санкт Петербург ба кори доимӣ таъмин гардидаанд.
Асрор Одинев надоштани ихтисос ва надонистани забони русиро мушкили асосии муҳоҷирини тоҷик унвон кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!