Русский  >>  فارسی  >>  Якшанбе 4 декабр 2016, 04:55

Дар Олмон барои карикатураи Муҳаммад (с) озмун эълон мекунанд

1 май 2012, 06:50

Ҳизби «Ҳаракат барои ҳифзи ҳуқуқи шаҳрвандони Рейни Шимолӣ-Вестфалия» (Pro NRW)-и Олмон тасмим гирифтааст, озмуни карикатураҳои Муҳаммад паёмбарро доир намояд.

Тавре Die Welt хабар медиҳад, мақсади миллатгароёни немис эълони мубориза бар зидии исломишавии Олмон будааст.
Гуфта мешавад, озмуни мазкур 13-уми май ҳамроҳ бо тазоҳурот алайҳи сохтмони масоҷид дар Олмон доир мешавад. Ширкаткунандагони тазоҳурот бо карикатураҳои Муҳаммад (с) бояд ба майдон бирезанд. Қарор аст, ин гуна ҳамоишҳо дар 6 минтақаи Олмон дар назди 25 масҷиди мусулмонӣ доир шавад.

Миллатгароёни немис дар девори биноҳои мусулмонӣ беш аз 100 карикатураи Муҳаммад(с)-ро насб  карданиянд.
Аллакай чунин тасмимҳоро ҳизби Pro NRW шанбеи гузашта дар шаҳрҳои Эссен ва Гелзенкирхен доир намуд, аммо пулис нагузошт, то миллатгароён карикатураҳоро ба девори масоҷид насб намоянд. Ин амали намояндагони ҳизби Pro NRW-ро пулиси федеролии Олмон Ҳанс Петер Фридрих маҳкум карда, аз он ки намояндагони ин ҳизб муқобилияти ошкорои зидди  муслиминро роҳандозӣ карданиянд, изҳори ташвиши ҷиддӣ намудаа.
Дар ҳамин ҳол ҳамоҳангсози ҳизби Pro NRW Ларс Зайденштикер изҳор доштааст, ки дар ин амали фаъолонаш ягон кори ғайримаъмулиеро намебинад ва ин ҷавобест ба маъракаи тақсими Қуръон аз сӯи салафиҳои Олмон. Тибқи як хабар тасмим буд, 25 миллион нусхаи Қуръон ба мардуми олмон тақсим шавад.
Ёдовар мешавем, дар гузашта кашидани карикатураҳои Паёмбари Ислом Муҳаммад (с) боиси нигаронии шадиди мусалмонон шуд. Бузургтарин эътироз соли 2006 дар қиболи нашри карикатураҳои Муҳаммад (с) дар рӯзномаи даниягии Jyllands-Posten аз сӯи Курт Вестергаард баргузор шуд.





Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!