Корхонаҳои ангишти Тоҷикистон дар 5 моҳи соли равон дар ҳаҷми 31 ҳазору 483 тонна ангишт истихроҷ кардаанд.
Тавре ба «Озодагон» дар вазорати энергетика ва саноат гуфтанд, ин нишондод инсбати нақшаи пешбинишуда 5 ҳазру 933 тонна ва нисбати ҳамин давраи соли гузашта бошад, 71 ҳазору 38 тонна афзоиш ёфтааст. Ба иттилои манбаъ, дар ин самт нақши корхонаҳои ҶСШК «Ангишт», КФ «Фон-Яғноб», минтақаи «Уголная»-и КМ, «Анзоб» ва ҶДММ «Ғузун» назаррас аст. Аз аввали сол то имрӯз 36 ҳазору 92 тонна ангиш фурухта шудааст, ки ин дар муқоиса ба соли сипаришуда 4 ҳазору 448 тонна зиёд мебошад. Аз рӯи маълумоти ин вазорат захираи умумии ангишт, бо назардошти бақияи солҳои гузашта 49 ҳазору 460 тоннаро ташкил медиҳад.
Зимнан, хадамоти гумруки кишвар иттилоъ дод, ки воридоти ангишт аз аввали сол то оғози моҳи майи соли ҷорӣ 3505, 95 тоннаро ташкил дода, нисбати ҳамин давраи соли гузашта 2 ҳазору 76 тонна зиёд мебошад.
Мӯҳр