Русский  >>  فارسی  >>  Душанбе 5 декабр 2016, 21:37

Депутатҳои немис: Лукашенко «мизбони сазовор»-и МҚҶ-2014 нест

4 май 2012, 09:32

Вакилони бундестаг тарҳеро омода кардаанд, ки дар он даъват мешавад, чемпионати ҷаҳон оид ба хоккей дар соли 2014 аз Белорус ба кишвари дигар интиқол дода шавад.

Лоиҳаи мазкурро фраксияи сотсиал-демократ ва «Сабзҳо» таҳия кардааст. Ҳамчунин, вакилони дигар фраксияҳо низ омодагии худро ба ҳамрайъӣ ба ин тарҳ изҳор доштаанд. Сиёсатмадорони немис гуфтаанд, Александр Лукашенко, президенти Белорусия «мизбони сазовор»-и мусобиқаи мазкур нест.

Ба иддаои депутатҳои бундестаг бойкот кардани сабқат ба қазияи нахуствазири собиқ Юлия Тимошенко рабт дорад. Онҳо Тимошенкоро маҳбуси сиёсӣ унвон кардаанд.

Ба қавли онҳо вазъи ҳифзи ҳуқуқи инсон дар Белорусия дар қиёс ба Украина бадтар аст.

Дар ин тарҳ вакилон аз Иттифоқи хоккейи Олмон даъват мекунанд, ин мавзӯъро дар конгресси байналмилалии федератсияҳои хоккей, ки дар Хелсинки мегузарад, матраҳ намоянд. Сиёсатмадорон муътақиданд, ки «барои аксари варзишгарон аз дасти диктатор гирифтани ҷоиза хушоянд нест».

Қаблан, парлумони Аврупо аз федератсияҳои миллӣ даъват ба амал овард, зиди баргузории чемионат дар Белорусия садо баланд кунанд. Рене Фазел, президенти Федератсияи байналмилалии хоккей (IIHF) он замон гуфта буд, ин мавзӯъ дар конгреси моҳи майи IIHF баррасӣ хоҳад шуд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!