Русский  >>  فارسی  >>  Ҷумъа 9 декабр 2016, 20:28

ҲНИТ алайҳи Прокуратураи генералӣ шикоят бурд

7 май 2012, 12:24

Ҳикматулло Сайфуллозода, сухангӯи Ҳизби наҳзати исломии Тоҷикистон ба «Озодӣ» гуфтааст, ҳадаф аз даъво алайҳи додситонӣ муайян кардани қонунмандии санҷиши фаъолияти ҳизб аз сӯи прокуратура аст, ки аз моҳи январ то марти соли ҷорӣ ҳам дар созмонҳои ноҳиявию вилоятӣ ва ҳам дар дафтари марказии ҳизб баргузор гардид.

Ба қавли номбурда бар пояи як дастури Додситонии кулл аз моҳи январи соли ҷорӣ, фаъолияти аҳзоби сиёсӣ, аз ҷумла ҲНИТ мавриди тафтиш қарор гирифт. Дар ҳоле ки санҷиш ва бозрасии аҳзоби сиёсиро тибқи қонун танҳо вазорати адлияи Тоҷикистон бар ӯҳда дорад.
Масъулони ҲНИТ мегӯянд, санҷиши фаъолияти ҳизб аз ҷониби Додситони кулли Тоҷикистон дар пайи дарҷи аснод (Протоколи 32-20) аз ҷаласаи махфии ҳукумат дар сайти русии «Звезда.ру» ва нашри матлабе бо номи «Тоҷикистон дар пешорӯи инқилоб» сурат гирифтааст.
Сомонаи "Звезда.ру"-и Русия дар моҳи феврали соли ҷорӣ дар матлабе таҳти унвони «Тоҷикистон дар пешорӯи инқилоб» навишта буд, ки ҳукумати Тоҷикистон алайҳи ҲНИТ ва ширкатдорони гирдиҳамоиҳои солҳои 90-ум барномаеро рӯи даст гирифтааст. Ва дар ин сомона  ҳуҷҷатҳое аз ҷаласаи махфии ҳукумати Тоҷикистон таҳти унвони Протоколои 32-20 ба чоп расида буд, ки мӯҳтавои матлаби дарҷшуда дар ин сомонаро ташкил медод.
Дар чанд рӯзи қабл вакилони ҲНИТ аз Додситони кулл посух гирифта буданд, ки мӯҳтавои ин Протокол таҳриф шудааст. Бад ин манзур онҳо бо ирсоли як номаи расмӣ ба унвони раиси ҷумҳурии Тоҷикистон хостори дарёфти нусхаи асли Протоколи 32-20 шуда буданд, менависад «Озодӣ».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!