Русский  >>  فارسی  >>  Панҷшанбе 8 декабр 2016, 21:04

Эмомалӣ Раҳмон Франсуа Олландро шодбош гуфт

8 май 2012, 03:30

Ҷониби Тоҷикистон маҷмӯи ҳамкориҳои босамари дуҷонибаро бо кишвари дӯсти Фаронса самти муҳими сиёсати хориҷии худ медонад.


Ин нукта дар мактуби шодбошии Эмомалӣ Раҳмон, райисҷумҳури Тоҷикистон, ки унвонии Франсуа Жерар Жорж Олланд, президенти тозаинтихоби Фаронса ирсол шудааст, омадааст. Дар ин нома аз ҷумла гуфта мешавад: «дар иртибот ба пирӯзиатон дар маъракаи интихоботи президенти Фаронса сарфарозам».
Дар идомаи мактуби табрикотӣ омадааст: «Боиси қаноатмандист, ки бар асари саъю кӯшишҳои муштараки доимӣ имрӯз байни кишварҳои мо дар арсаҳои мухталифи мавриди таваҷҷӯҳи тарафайн ҳамёрии созанда ба роҳ монда шудааст ва онҳо рӯ ба густариши бемайлон ниҳодаанд.
Мо ба ояндаи неки муносибатҳои гуногунҷанбаи байни Тоҷикистон ва Фаронса бовар дорем ва умедворем, ки дар давраи сарварии Шумо аз Фаронса равобити ҳасана ва ҳамкориҳои мутақабилан судманди байни кишварҳоямон ба марҳилаи ҷадиди тавсеаи худ ворид хоҳанд шуд.
Бо изҳори омодагии хеш ҷиҳати саъйю талошҳои муштарак дар ин самт, ба Ҷаноби Олӣ сиҳатии комилу пирӯзиҳои навин ва ба мардуми дӯсти Фаронса хушбахтиву шукуфоии рӯзафзун таманно дорам».

 

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!