Русский  >>  فارسی  >>  Шанбе 3 декабр 2016, 00:52

ФФТ акнун беҳтаринҳои футболро ҳар моҳ муайян мекунад

8 май 2012, 04:23

Федератсияи футболи Тоҷикистон (ФФТ) тасмим гирифтааст, аз ин ба баъд ҳар моҳ «Беҳтарин бозигар», «Беҳтарин тренер» ва «Беҳтарин довар» дар Тоҷикистонро муайян кунад.

Тавре аз ФФТ ба Озодагон иттилоъ доданд, беҳтаринҳои футболро гурӯҳи ҳакамон зери роҳбарии ноиби президенти федератсия Азизбек Раҷабов муайян хоҳанд кард. Беҳтаринҳо бо тӯҳфаҳои арзишманди ФФТ қадр мешаванд. Қаблан, беҳтаринҳоро дар як сол як маротиба муайян мекарданд. Натиҷаи аввалин оғози моҳи июн ҷамъбаст мешавад. Дар он исми беҳтаринҳои моҳи май эълон хоҳад шуд.

 

Мавриди ёдоварист, ки тибқи натиҷаи панҷ даври сабқати Лигаи олии футболи Тоҷикистон дар садри ҷадвали мусобиқот «Равшан»-и Кӯлоб бо 12 имтиёз аз 5 дидор нишастааст. «Регар-ТадАЗ»-и Турсунзода ва «Вахш»-и Қӯрғонтеппа бо 10 холӣ мутаносибан ҷойҳои ду ва серо ишғол мекунанд. Габриэл Донто, легионер аз Гана , ки дар ҳайати «Энергетик»-и Душанбе бозӣ мекунад, беҳтарин нишонзан дониста мешавад. Ӯ ба дарвозаи ҳариф панҷ тӯб задааст. Индус Хусейнзода аз тими «Хуҷанд»-и Хуҷанд низ бо ҳамин шумораи голҳо дар мақоми ду аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!