Русский  >>  فارسی  >>  Шанбе 3 декабр 2016, 11:44

Академияи ВАО ба фаъолият оғоз мекунад

10 май 2012, 09:44

Қарор аст, моҳи июни соли равон Академияи ВАО дар назди Кумитаи телевизион ва радио ба фаъолият оғоз кунад.

Ин нуктаро Абдуқодири Абдуқаҳҳор, директори радиои Тоҷикистон изҳор дошт. Ба гуфтаи номбурда академияи мазкур бо 130 воҳиди корӣ фаъолияташро шурӯъ хоҳад кард: «Дар Академияи ВАО 7 кафедра таъсис шуда, ҳар кадоми он бо таҷҳизоти муосир муҷаҳҳаз хоҳад буд. Барои кор дар академия мутаххасисони хубро ҷалб мекунем»,-афзуд ҷаноби Абдуқаҳҳор.

 

Ҳадафи таъсиси академияи мазкур тарбияи кадрҳои баландихтисоси рӯзноманигорӣ унвон мешавад. Ёдовар мешавем, чор сол қабл роҳбарияти радиои Тоҷикистон ба ҳукумати ҷумҳурӣ пешниҳод кард, то Академияи телевизион ва радиоро дар назди Кумитаи Телевизион ва радио таъсис бидиҳад. Ахиран, Эмомалӣ Раҳмон, райисҷумҳури кишвар зимни таҷлил аз 100 солагии нашри аввали рӯзномаи тоҷикӣ мужда дод, ки барои таъсиси он заминаи мусоид фароҳам омадааст. Аммо президент гуфт, номи ин ниҳод бояд Академияи ВАО бошад ва дар баробари радио ва телевизион матбуотро ҳам фаро бигирад. Ба қавли сарвари давлат дар чор соли пеш имкони молӣ набуд, то академияи мазкур фаъол шавад, вале ҳоло барои таъсиси он шароит муҳайё аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!