Русский  >>  فارسی  >>  Шанбе 3 декабр 2016, 22:39

Подполковники амрикоӣ пешниҳоди бомбаборони Маккаро кардааст

11 май 2012, 11:34

Омӯзгори Академияи ҳарбии Амрико зимни гузаштани дарс ба шогирдони ин муассиса гуфтааст, ки дар сурати зарурӣ ИМА бояд аз таҷрибаи худ дар Хиросима ва Нагасаки барои маҳви шаҳрҳои муқаддаси мусалмонҳо- Макка ва Мадина истифода кунад.

Дар ин бора сомонаи Wired навиштааст. Подполковник Мэтю Дули дар Академияи ҳарбии Joint Forces Staff College ба шогирдон хондааст. Дар ин муассиса, ки дар шаҳри Норфолки иёлаи Вирҷиния воқеъ аст, афсарони миёна тарбия мешавад.

Ба навиштаи хабаргузории Ассошиейтед Пресс Дули аз шарҳи ин лексияи худ ба ВАО худдорӣ кардааст. Аммо ба навиштаи хабаргузориҳо аснои лексия Дули гуфтааст, ки «Исломи боэътидол» вуҷуд надорад. «Ин таблиғоти дағалонаро дигар намешавад таҳаммул кард»,- гуфта мешавад дар муаррифи (презентация)-и ӯ.

Вай нақшаи ҷангеро пешниҳод кардааст, ки шакливазнамоии исломро дар худ дорад. Нақшаи мазкур аз чор давра иборат аст ва дар даври сеюм фароҳам намудани шароит барои таҳдиди гуруснагӣ ба Арабистони Саудӣ пешниҳод мешавад. Ҳарчанд, ин лексия моҳи июли соли 2011 хонда шудааст, аммо танҳо дар моҳи апрели имсол маълум шудааст, ки дар муассисаи таълимӣ курсҳои зидиисломӣ гузашта мешавад. Дар оғози моҳи равон дарсгузарии Дулиро манъ кардаанд. Ба навиштаи Wired, подполковник Мэтю Дулиро аз кор нарондаанд. Қаблан, маълумотҳои зидиисломӣ дар давраҳои омӯзишии ФБР пайдо шуда буд.

Вашингтон борҳо изҳор кардааст, ки бо гурӯҳҳои ҷудогонаи террористӣ мубориза мебарад, на бо Ислом.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!