Русский  >>  فارسی  >>  Ҷумъа 9 декабр 2016, 05:01

Компютер ба ивази як гурда

2 июн 2011, 10:21

Шаҳрванди Чин бо фурӯши гурдаи рости худ соҳиби  компютери ҷадид  шуд.

Сяо Чжени 17- сола  як сокини музофоти Анхойи давлати мардумӣ, барои харидани компютери ширкати Эппл мавсум ба iPad2 гурдаи рости худро фурӯхт. Дар ин бора телевизиони маҳаллии Дунфан хабар дод. Ба иттилои манбаъ ин ҷавон, соли ҷорӣ ба синфи 10-ум мегузашт  ва дер боз орзуи доштани компютери  гаронарзиши  iPad-ро дошт. Ӯ дар сомонаи интернетӣ тариқи шахсони миёнарав ба мувофиқа мерасад  то гурдаи рости худро бо маблағи 22 ҳазор юан,  яъне бо арзи амрикоӣ ҳудуди 3390 доллар  фурӯшад. Табибион дар беморхонаи музофоти Хунан тариқи ҷарроҳӣ бо розигии худи ӯ  гурдаи рости ин ҷавони 17 соларо гирифтанд.

Ба гуфтаи модари Сяо Чжен ӯ дар бораи нақшаи писараш, ки барои компютери гаронарзиш  аз гурдаи худ маҳрум мешавад, бехабар буд. Ва баъди он ки писараш ба хона бо маблағи зиёд ва компютеру  телефони ширкати эппл бармегардад, пасон хабардор мешавад. Ба гуфтаи модари ин ҷавон дар оилаашон барои харидани ин намуди бозичаи гаронарзиш мабалағи кофӣ вуҷуд надошт. Баъдан, модари ин ҷавон ба беморхона омада мефаҳмад, ки гурдаи писарашаро як тоҷир аз музофоти Футсиян харидааст. Модари Сяо Чжен тавассути миёнаравҳо борҳо кӯшиш кард, то ба он тоҷир тамос пайдо кунад, аммо телефони ӯ доимо хомӯш аст. Алъон, вазъи саломатии писарбачаи 17- сола рӯз ба рӯз бадтар мешавад. Модари ҷавон ҳанӯз умедвор аст, ки  тоҷир саломатии писарашро дубора барқарор мекунад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!