Русский  >>  فارسی  >>  Сешанбе 6 декабр 2016, 22:59

Истеҳсоли картошка имсол аз талаботи мардум 240 ҳазор тонна бештар мешавад

15 май 2012, 04:59

Масъулини Вазорати кишоварзии Тоҷикистон изҳор медоранд, ки тибқи дурнамо имсол дар тамоми намуди хоҷагиҳои кишвар ҷамъоварии ҳосили картошка ҳудуди як миллион тонна дар назар аст, ки дар муқоиса бо соли гузашта наздики 200 ҳазор тонна бештар мебошад.

Тавре аз Вазорати мазкур ба хабаргузории Озодагон иттилоъ доданд, ҳосили интизории картошка аз талаботи мардуми кишвар ҳудуди 240 ҳазор тонна бештар буда, имкон медиҳад, ки ин намуди маҳсулот ҳатто ба хориҷа содир гардад. Манбаъ бо такя ба меъёрҳои физиологӣ изҳор дошт, ки инсон бояд соле 110 килло картошка истеъмол кунад ва мувофиқан талаботи мардуми ҷумҳуриро 760 ҳазор тонна арзёбӣ намуд.

Имсол танҳо дар ду намуди хоҷагиҳо, деҳқонӣ ва ҷамъиятӣ майдони кишти картошка 8 ҳазор гектар бештар шуда ба 24 ҳазор баробар хоҳад шуд. Ҳосили интизорӣ аз як гектар 200 сентнерро ташкил медиҳад. Картошка баъди гандум дуюмин маҳсулоти серистеъмолтарини мардуми Тоҷикистон маҳсуб ёфта, айни ҳол як киллограми он дар бозорҳои пойтахт ҳудуди 2,2 сомонӣ нарх дорад.

Ҷиҳати таъмини амнияти озуқаворӣ соли дуюм аст, ки дар Тоҷикистон содироти картошка бо фармони президенти Тоҷикистон манъ шудаст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!