Русский  >>  فارسی  >>  Панҷшанбе 8 декабр 2016, 19:01

Мавзуна Чориева ҳам ба Лондон меравад

15 май 2012, 09:50

Мавзуна Чориева, боксчии шинохтаи тоҷик дар сабқати қаҳрамонӣ оид ба муштзанӣ миёни занон, ки дар Хитой ҷараён гирифт, роҳхати олимпиро ба даст овард.

Мавзуна дар вазни то 60 кило нахуст бар Алла Яршевич аз Белорусия ва баъдан бар Каролина Грасюк аз Лаҳистон дастболо шуда, дар даври ҳаштякниҳоӣ Антонина Шевченкои қирғизро мағлуб кард.
Мавзуна Чориева муборизаро барои унвони қаҳрамони ҷаҳон ва медалҳои мусобиқа идома медиҳад. Рақиби ӯ дар чаҳорякфинал Истели Моссели аз Фаронса аст. Ин дидор  фардо, 16-уми май баргузор мешавад.

Ёдовар мешавем, Мавзуна Чориева 13-умин варзишгари тоҷик ва ягона бону аст, ки роҳхати Бозиҳои тобистонаи олимпиро соҳиб шуд. Нахустин роҳхатро Дилшод Назаров, гурзпартои маъруф ба даст оварда буд. Алишер Гулов ва Фарҳод Неъматов (таэквон-до WTF), Анвар Юнусов, Собирҷон Назаров, Ҷаҳон Қурбонов ва Мавзуна Чориева (бокс), Расул Боқиев ва Парвиз Собиров (дзюдо), Искандари Рустам, Юсуф Абдусаломов, Зелимхон Юсуфов ва Николай Ноев (гуштии озод) низ шарафи Тоҷикистонро дар Лондон ҳимоя хоҳанд кард


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!