Русский  >>  فارسی  >>  Шанбе 3 декабр 2016, 00:49

Тел-Авив аз тавофуқ миёни Эрон ва 5+1 нигарон аст

15 май 2012, 12:18

Як рӯзномаи исроилӣ дар гузорише ба барасии нишасти ҳафтаи ояндаи Эрон ва гурӯҳи 5+1 дар Бағдод пардохт ва аз нигаронии мақомоти Исроил аз эҳтимоли тавофуқ миёни Теҳрон ва қудратҳои ҷаҳонӣ дар бораи мавзӯи ҳастаии Эрон хабар дод.

Ба гузориши хабарнигори Озодагон дар Теҳрон рӯзномаи исроилии  Ҳоаретс» дар гузорише навишта, ки Исроил нигарони тавофуқ миёни ҷумҳурии Исломии Эрон ва қудратҳои ҷаҳонӣ дар рӯзи 23-юми май аст, ки метавонад гузинаи ҳамлаи низомии Исроилро лағв кунад.

Ин рӯзномаи исроилӣ навишта: «Дар ҳоле, ки 7 рӯз то оғози даври баъдии гуфтугӯҳои ҳастаӣ бо Эрон боқӣ монда аст, фишорҳо идома дорад ва ҳар итилооте, ки дар бораи Эрон фош мегардад, дар расонаҳо мунташир мешавад».

Ҳоаретс дар идомаи матлабаш овардааст, ки таърихи гуфтугӯҳои Бағдод дар ҳоли наздик шудан аст ва Исроил ин эҳсосро дорад, ки Эрон ва қудратҳои ҷаҳонӣ ба шиддат дар талош барои расидан ба тавофуқи аввалия дар робита ба барномаи ҳастаии Эронанд, ки метавонад заминаро барои тавофуқи доимӣ миёни ду тараф фароҳам кунад.

Ба навиштаи Ҳоаретс бар асоси шавоҳид Эрон ва қудратҳои ҷаҳонӣ дар масири худ барои расидан ба як тавофуқи миёнӣ ҳастанд. Ин тавофуқ ба Эрон иҷоза медиҳад, то урониюмро то 20 дарсад ғанисозӣ кунад.

Бар асоси гузориши ин рӯзнома, дар муқобили иқдомоте, ки Эрон анҷом медиҳад, қудратҳои ҷаҳонӣ низ бархе аз таҳримҳои қаблан алайҳи Эрон эъмолкардаашонро бартараф мекунанд, ки аз ҷумлаи онҳо таҳрими нафтии Эрон аз сӯи Иттиҳодияи Аврупо ва таҳрими Бонки марказии Эрон аз сӯи Амрико аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!