Русский  >>  فارسی  >>  Панҷшанбе 8 декабр 2016, 16:58

Истеҳсоли семент дар Тоҷикистон ба маротиб коҳиш ёфтаст

16 май 2012, 09:56

Дар Тоҷикистон давоми моҳи апрели соли ҷорӣ наздики 9 ҳазор тон семент истеҳсол шудаст, ки дар муқоиса бо нишондоди моҳҳои зимистони имсола ба маротиб кам аст.

Тавре аз Вазорати энергетика ва саноати Тоҷикистон ба хабаргузории «Озодагон» иттилоъ доданд дар маҷмӯъ давоми чор моҳи аввали соли ҷорӣ дар кишвар 62 ҳазору 800 тон семент истеҳсол шудаст.

Сарчашмаи хабар сабаби коҳиши истеҳсоли сементро дар моҳи апрел қатъи интиқоли гази ӯзбекӣ номид, ки дар натиҷа калонтарин корхонаи сементбарории кишвар, - «Тоҷиксемент» аз 1 –ум то 20 –уми апрел аз фаъолият монд.

Имсол тибқи барномаи рушди истеҳсоли масолеҳи сохтмонӣ бояд дар кишвар наздики 700 ҳазор тон семент истеҳсол гардад, ки амалӣ намудани нисфи ин нишондод ҳам зери суол аст. Масъулини Вазорати энергетика ва саноати Тоҷикистон сабаби ба таври лозимӣ татбиқ нагардидани барномаҳо ва дурнамои истеҳсолотро номӯътадилии таъминот бо гази ӯзбекӣ номиданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!