Ҷамъоварии шишаҳои арақ бо номи «Аллоҳ» дар Қазоқистон

Масҷиди шаҳри Актобеи Қазоқистон ҷамъоварии шишаҳои арақро бо навиштаи «Аллоҳ» эълон кардааст.

Мавзӯи истеҳсоли нӯшокиҳои спиртӣ бо навиштаи номи Худо чанд гоҳест дар ин кишвар сару садоҳоро ба миён овардааст. Баъди эътирозоти муслимин ин нӯшокиҳо аз фурӯш барчида шуданд, аммо дар масҷиди «Нургасир»- и Актобе ҷамъоварии сарпӯшҳоро бо номи Худо зарур донистаанд.

-Мо хостем ин сарпӯшҳоро ҷамъоварӣ намуда, онҳоро тавре ки бояд, нобуд созем- гуфтааст имоми вилоят Абдумуталиб Давронбеков.

Сару садоҳо дар ин мавзӯъ аз моҳи апрели соли равон баъди он ки сокини шаҳри Семей (собиқ Семипалатинск) ҳангоми хариди нӯшокии спиртӣ навиштаи арабиро мушоҳида кардааст ва уламои Ислом тасдиқ кардаанд, ки дар он «Маъбуде волотар аз Аллоҳ нест!» навишта шудааст, оғоз гардида буд.

Ин нӯшокӣ аз сӯи ширкати «Геом» дар шаҳри Актобе истеҳсол гардида, муслимини ин шаҳр баъди донистани ин кор даст ба тазоҳуроти эътирозӣ зада будаанд.

Ширкати «Геом» баъди тақозои мусулмонон аз истеҳсоли нӯшокӣ бо ин тартиб даст кашида, расман аз мусулмонон узр пурсидааст.

Мӯҳр