Русский  >>  فارسی  >>  Шанбе 10 декабр 2016, 23:29

Дар Суғд баррасии парвандаи ҷиноӣ нисбати 17 нафар идома дорад

17 май 2012, 04:31

Дар боздоштгоҳи № 2-и шаҳри Хуҷанд баррасии парвандаи ҷиноӣ нисбати 17 нафар, ки 16 нафараш сокини ноҳияи Ашти вилояти Суғд ва ҷавонтарини онҳо сокини 22 солаи ноҳияи Бобоҷон Ғафуров мебошад, идома дорад.

Ин афрод дар даст доштан ба Иттиҳоди ҷиноии «Ҳаракати Исломии Узбакистон (Туркистон)» гумонбар дониста мешаванд.
Тавре ба хабарнигори маҳаллии Озодагон дар суди вилояти Суғд хабар доданд, алайхи ин гурӯҳ мутобиқи бандҳои «иштирок дар иттиҳоди ҷиноӣ» ва «дигар созмонҳои фаъолияташон дар Тоҷикистон мамнӯъ»-и Кодекси ҷиноии Тоҷикистон айб пешниҳод шудааст.
Манбаъ афзуд, 6 нафари дастгиршудаҳо дар Вазиристони Покистон машқҳои ҳарбӣ гузашта, барои ба дигарон омӯхтан ба ватан баргаштаанд.
Дар баррасиҳои судӣ ин афрод қисман худро гунаҳкор донистаанд.
Додситони парванда дар сухани хотимавии худ аз додгоҳ хостааст ба айбдоршавандаҳо аз 11 то 25 сол ҳукми зиндон содир кунад.
16 нафари онҳо сокинони ҷамоати Ошобаи ноҳияи Ашт ва як тани дигар аз ноҳияи Бобоҷон Ғафуров буда, аз 22 то 50 сол доранд. Ин гурӯҳ моҳҳои октябр-ноябри соли гузашта аз ҷониби кормандони амниятиву интизомӣ боздошт шуда, мурофиаи парвандаи онҳо моҳи апрел дар боздоштгоҳи муваққатии шаҳри Хуҷанд оғоз ёфтааст.
Маълум нест, ки ба ин гурӯҳ кай айб эълон мекунанд. Манбаъ дар додгоҳи Суғд мегӯяд, дар бозбинии парвандаи гурӯҳи 17 нафарӣ танаффус эълон шуда, рӯзҳои наздик идома хоҳад кард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!