Русский  >>  فارسی  >>  Ҷумъа 9 декабр 2016, 06:49

Маҷлиси намояндагон ва Бонки ҷаҳонӣ Ёддошти ҳусни тафоҳум ва ҳамкорӣ имзо карданд

18 май 2012, 06:42

Имрӯз, 18-уми май раиси кумитаи Маҷлиси намояндагони Маҷлиси Олии Тоҷикистон оид ба иқтисод ва молия Сафаралӣ Раҷабов бо намояндаи Бонки Умумиҷаҳонӣ - роҳбари департамент, Гурӯҳи тавсеаи сохтори давлатӣ ва ислоҳоти идорӣ дар Аврупо ва Осиёи Марказӣ Билл Доротинск мулоқот анҷом дод.

Тавре аз дафтари матбуоти палатаи поёнии парлумони Тоҷикистон ба хабаргузории Озодагон гуфтанд, дар ҷараёни мулоқот масъалаи густариши ҳамкориҳои байни Маҷлиси намояндагон ва Бонки умумиҷаҳонӣ дар заминаҳои мухталиф, аз ҷумла сиёсати иқтисодӣ, мусоидат ба рушди буҷаи давлатӣ, соҳаҳои тандурустӣ, маориф, рушди арсаи энергетика, таъмини об ва хадамоти худидоракунии маҳаллӣ, мусоидат дар таҳия ва қабули қонунҳои марбут ба буҷа ва дигар масъалаҳои мавриди таваҷҷӯҳи ҷонибҳо муҳокима шуданд. Зимнан, миёни Маҷлиси намояндагони Маҷлиси олии Тоҷикистон ва Бонки умумиҷаҳонӣ Ёддошти  ҳусни тафоҳум ва ҳамкорӣ баста шудааст.

 

Раиси кумитаи Маҷлиси намояндагон дар бораи паҳлӯҳои дигари ҳамкориҳои муштараки палатаи поёнии парлумони кишвар бо Бонки умумиҷаҳонӣ ибрози назар карда, пешниҳод намудааст, ки Бонки ҷаҳонӣ ҷиҳати анҷом додани корҳои таҳқиқотӣ ва таҳлилӣ дар соҳаҳои гуногуни иқтисодиёти Тоҷикистон мутахассони беҳтаринро ҷалб намуда, нусхаи хулосаҳои ин таҳлилу таҳқиқот ба кумитаи иқтисод ва молияи Маҷлиси намояндагон  фиристода шаванд.

Намояндаи Бонки умумиҷаҳонӣ - роҳбари департамент, Гурӯҳи тавсеаи сохтори давлатӣ ва ислоҳоти идорӣ дар Аврупо ва Осиёи Марказӣ Билл Доротинск сатҳи ҳамкориҳои ҷумҳурии Тоҷикистон бо бонки мазкурро мувофиқи манофеъи ҳарду ҷониб арзёбӣ намуда, ҳамчунин хостори тақвияти ҳарчи бештари муносибот бо Тоҷикистон шудааст.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!