Русский  >>  فارسی  >>  Якшанбе 4 декабр 2016, 23:24

ҲНИТ ба барандагони Олимпиадаи Лондон хонаи дуҳуҷраӣ медиҳад

21 май 2012, 03:34

Ҳизби наҳзати исломии Тоҷикистон ба варзишгарони тоҷик, ки дар Бозиҳои тобистонаи олимпӣ се ҷои аввалро соҳиб мешаванд, манзили дуҳуҷраӣ тақдим мекунад. Ин нуктаро Муҳиддин Кабирӣ, роҳбари ҳизби мазкур иброз дошт.

Номбурда зимни суханронӣ дар маҳфиле бахшида ба Рӯзи ҷавонон, ки дар толори ҲНИТ сурат пазируфт, гуфт идеяи ҳавасманд намудани варзишгарон хеле пештар пайдо шуд, вале ба хотири ҷилавгирӣ аз ҳар гуна сару садоҳо онро эълон накарданд: «Шояд сару садоҳое ҳам баланд мешуд, ки акнун варзишро ҳам ба сиёсат мекашанд. Ба ҳамин хотир чизе нагуфтем, вале агар аҳли толор розӣ бошад, мо варзишгаронеро, ки бо медали олимпӣ ба ватан меоянд, қадр мекунем». Баъди ин ҳарфҳои роҳбари ҲНИТ толор бардавом кафкубӣ кард ва Кабирӣ эълон дошт, барои ҳар нафаре, ки дар Лондон ҷойҳои аввал, дуюм ва сеюмро ишғол мекунад, аз номи ҳизб манзили зист ҳадя мешавад.

Гуфтанист, ҲНИТ ягона ҳизбест, ки барои барандагони Олимпиада ҷоиза муқаррар кардааст. Аз ин пеш Эмомалӣ Раҳмон, райисҷумТоҷикистон эълон карда буд, ки ғолибону ҷоизадорони Олимпиадаи Лондонро аз 200 то 300 ҳазор сомонӣ интизор аст.

Ёдовар мешавем, варзишгарони тоҷик 13 роҳхати олимпиро ба даст овардаанд.



Шарҳи худро бинависед:

Ном:*
E-Mail:
Матни шарҳ:
Посух додан
  • Шахром

  • 5 декабр 2013 09:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба фикрам Огои Кабири бо ин саховтмандиаш ба назди Зайд Саид рафтанихай чи бало. Биё сари бедардатро ба бало намон. Бе ин хам ин давлатдорхо Шуморо чашми дидан надоранд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!