Русский  >>  فارسی  >>  Чоршанбе 7 декабр 2016, 21:16

Селхезӣ ин навбат ба чор ноҳияи кишвар хисорот овард

21 май 2012, 09:21

Бар асари боронҳои шадиди рӯзҳои 19-20-уми моҳи ҷорӣ чор навоҳии Тоҷикистон зарар дид.

Ориф Нозимов, сухангуӣ дафтари матбуоти Кумитаи ҳолатҳои фавқуллода ва мудофиаи гражданӣ ба Озодагон гуфт, боришоти шаби гузашта (20-уми май), ки селобаро дар пай дошт, пули деҳаи Ганҷинаи ҷамоати деҳоти Эсанбойи ноҳияи Рӯдакиро шуста бурдааст.
Дар натиҷаи боришоти борону жолаи рӯзи 19-уми май бошад, дар деҳаи Муҳаммадиеви ҷамоати деҳоти Фирӯзаи ноҳияи Носири Хусрав 8 хонаи истиқоматӣ қисман зарар дидааст. Инчунин, дар савхози № 5-и ҷамоати деҳоти мазкур ба 2 манзили зист ва заминҳои наздиҳавлигӣ обу лойқа даромадааст.
«Соати 16:30-и рӯзи 19-уми май баъд аз боридани борони пуршиддат, дар деҳаи Усто - Корони ҷамоати деҳоти Пахтаободи ноҳияи Шаҳритус сел омада, 3 манзили истиқоматиро пурра хароб кард. 1 хонаи дигар қисман зарар дидааст»,-афзуд манбаъ.
Сухангӯи Кумитаи ҳолатҳои фавқуллода илова кард, ки шаби 19-уми май, соати 22:20 дар натиҷаи боридани борон дар деҳаи «Нури Вахш»-и ноҳияи Ҷиликул аз куҳҳо сангу лойқа канда шуда, ба 13 замини наздиҳавлигӣ хисорот овард.
Хушбахтона ҳеч яке аз ин ҳодисаҳо талафоти ҷонӣ надоштааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!