Русский  >>  فارسی  >>  Шанбе 10 декабр 2016, 21:33

То оғози бозиҳои параолимпии Лондон-2012 100 рӯзи дигар монд

22 май 2012, 04:08

Сафорати Британияи Кабир дар Душанбе дар ҳамкорӣ бо Кумитаи миллии параолимпӣ ва дастгирии Кумитаи кор бо ҷавонон, варзиш ва сайёҳии Тоҷикистон 21-уми май бо иштироки варзишгарони дорои имконияти маҳдуд чорабиниеро созмон дод. Ин маҳфили варзишӣ ба муносибати 100 рӯзи дигар боқӣ мондан то оғози бозиҳои параолимпии соли 2012 дар Лондон баргузор шуд.

Дар мусобиқаи тениси рӯи миз ва вазнбардорӣ, ки бо ҳузури зиёда аз 100 тамошобин дар маркази ҷумҳуриявии барои нафарони дорои маҳдудияти ҷисмонӣ доир гашт, 38 варзишгар иштирок намуд. Тӯҳфаҳои олимпӣ аз тарафи сафорати Британияи Кабир ва Кумитаи миллии параолимпӣ ба ғолибон тақдим гардид.
Ҷаноби Робин Орд-Смит, сафири Британия Кабир гуфт: “Британияи Кабир мероси қавиро дар рушди варзиш барои одамони дорои маҳдудияти ҷисмонӣ соҳиб аст ва мо имрӯз фахр мекунем, ки Стоук Мондевилл макони тавлиди бозиҳои параолимпӣ мебошад. Соли 2012 Лондон ният дорад, ки на танҳо яке аз бозиҳои калон, ҳамчунин яке аз бозиҳои беҳтарини параолимпиро гузаронад. Ман хурсандам, ки тавонистем гузаронидани мусобиқаи имрӯзаро дастгирӣ намоем. Имрӯз ман бо ҳаловати зиёд баромади варзишгарони тоҷик тамошо кардам. Мо бесаброна интизори идомаи ҳамкориҳо ба мақомоти марбута дар самти таъмини мероси қавии олимпиадаи Лондон-2012 барои варзишгарони дорои маҳдудияти ҷисмонӣ дар Тоҷикистон мебошем”.

Зимнан, Абдурауф Олимов, дабири кулии Кумитаи миллии параолимпӣ ҳам гуфт: “Мо ташаббуси сафорати Британияи Кабирро дар мавриди омода ва гузаронидани ин мусобиқа бахшида ба 100 рӯз то саршавии бозиҳои параолимпӣ-2012 дар шаҳри Лондон ба хурсандӣ пазируфтем. Умедворем, ки тими параолимпии Тоҷикистон бо дастовардҳои бештаре аз замони бозиҳои олимпии Пекин ба ватан бармегардад”.

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!