Русский  >>  فارسی  >>  Шанбе 3 декабр 2016, 11:41

Вазири корҳои дохилӣ дар машқҳои тан ба тани Дастаи зудамал иштирок кард

22 май 2012, 09:34

Имрӯз, 22-юми май Рамазон Раҳимов, вазири корҳои дохилии Тоҷикистон аз Раёсати мубориза зидди ҷиноятҳои муташакилона (РМЗҶМ)-и ВКД дидан кард.

Тавре ба Озодагон аз ВКД хабар доданд, зимни мулоқот Дастаи зудамали милисаи РМЗҶМ аз омодагии ҳамаҷонибаи худ дар муҳорибаҳои тан ба тан, безараргардонии гурӯҳҳои террористӣ, мубориза бо гурӯҳҳои муташаккилонаи ҷинояткор, ҷиноятҳои вобаста ба муомилоти ғайриқонунии моддаҳои нашъадор машқҳои махсуси тактикиву ҷангӣ нишон дод. Ба иҷроиши он Вазири корҳои дохилӣ баҳои баланд дод. Зимни суханронӣ Рамазон Раҳимов қайд намуд, ки Дастаи зудамали милитсаи РМЗҶМ яке аз воҳидҳои навтаъсис, вале хеле пурқуввати ВКД ба шумор рафта, дар бисёре аз амалиётҳои безараргардонии гурӯҳҳои террористӣ иштирок намудааст. Генерал–лейтенанти милиса афзуд, ки дастаи мазкур дар ҳама ҳолат аз ӯҳдаи вазифаҳои дар наздаш гузошташуда бо сарбаландӣ баромада метавонад.
Бино ба иттилои манбаъ, дар чорабинии мазкур инчунин, қайд гардид, ки дар замони муосир, ки ҷиноятҳои шакли муташаккил дар тамоми дунё ба назар мерасад, кормандони дастаи мазкурро низ зарур аст, то донишу малака ва маҳорати касбии худро боз ҳам сайқал дода, бо ҳама падидаҳои номатлуби замона муқовимат карда тавонанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!